Fréttir

Gravity eru einstaklega góðir styrktartímar.  Hvetjum alla til að prufa og strákar , þetta er alvöru.  Opnir tímar eru á mánudögum kl 16:30, þriðjudögum kl 6:10 og fimmtudögum kl 17:30.  Fimmtudagstíminn heitir Gravity Plús og er erfiðari og öðruvísi en hinir.  Óli kennir þá og gerir allt sem honum dettur í hug í bekknum.  Þeir sem hafa aldrei prufað geta kíkt á bekkina í salnum við hliðina á Hot Yoga salnum.  Það eru bara 12 bekkir og því þarf að skrá sig í þessa tíma.  Föstudagstíminn kl 8:30 er hættur.

Það verða tveir danstímar á morgn eins og vanalega þó 6x6x6 námskeiðið sé búið og næsta ekki byrjað.  Ásóknin í tímann kl 12 er mikil og við höfum opnað hann fyrir áhugasömum Zumbadönsurum. Það verður Shabam kl 12 og Body Jam kl 13.  Body Jam tíminn er opinn fyrir alla, þarft ekki að eiga kort og hann er líka opinn fyrir allan aldur.  Dönsum okkur inní helgina.

6x6x6 áskorun fyrir konur er frábært námskeið fyrir þær sem vilja komast í gott form á 6 vikum og endanlega taka af þessi síðustu kíló sem eru oft svo erfið.  Sex mismunandi æfingar yfir vikuna, frábær prógröm í tækjasal og kennsla, Hot Yoga, spinning, heitir bolta og CXWORX tímar, Body Vive og Zumba.  Þetta er blanda sem klikkar ekki.  Næsta námskeið hefst 28. febrúar, skráning stendur yfir.

Bjargmeistarinn var í morgun og tókst einstaklega vel.  Skemmtileg braut, skýr og vel upp sett.  Góðir dómarar og frábærir keppendur.  Strákarnir byrjuðu og það kom ekki á óvart að Unnsteinn Jónsson skyldi sigra á tímanum 7,34 mín. Frjálsíþrótta/knattspyrnukonan Freydís Anna Jónsdóttir sigraði kvennaflokkinn á 9,18 mín og tvær stelpur ú mömmucrossfit hópnum gerðu sér lítið fyrir og sigruðu í tvenndarkeppninni en þær heita Birna Blöndal og Írena Elínbjört Sædísardóttir, á 6,30 mín.  Verðlaunin komu frá Veitingastaðnum RUB 23, Kaffi Költ, Sportveri og kort og bolir frá Bjargi. Tryggvi hafði umsjón með keppninni og var kynnir en þjáfarar og kennarar Bjargs sáu um að setja saman þrautirnar, dæma og framkvæma.  Keppnin er komin til að vera og er stefnana að hafa hana etv. oftar en einu sinni á ári.

Tvö CrossFit námskeið byrja 23. febrúar, 4 vikur kl 6:10 fyrir alla og 6 vikna mömmuCrossFit.  6x6x6 áskorun fyrir konur byrjar  28. febrúar og er skráning byrjuð á það námskeið.  Body Fit boltanámskeiðið byrjar 20. febrúar, 4 vikur og 3 tímar í viku.  Næsta Skvísunámskeið fyrir konur 50 ára og eldi byrjar 29. febrúar.  Skráning er komin vel á veg í sum þessi námskeið sem eru mjög vinsæl og því öruggara að skrá sig sem fyrst.  Þeir sem borga við skráningu geta byrjað strax að æfa. 

CrossFit tíminn kl 17:15 á mánudögum er hættur.  Óli lét alla vita af þessu í síðasta tíma.  Mæting hefur verið dræm og því ekki grundvöllur til að halda úti tíma.  Bendum á að það er hægt að taka æfingu dagsins inní CrossFit salnum fyrir áhugasama, hann er opinn.

Frjálsíþróttafólk UFA er mjög áberandi hér hjá okkur á Bjargi og æfa stíft með Gísla Sigurðssyni þjálfara sínum.  Þau náðu frábærum árangri á MÍ um helgina.  Hafdís Sigurðardóttir varð fimmfaldur íslandsmeistari og var að bæta sig t.d. í 400m hlaupi eins og Kolbeinn Höður sem setti íslandsmet í þeirri vegalangd í sínum aldursflokki og varð annar í hlaupinu, frábær árangur hjá þessum unga pilti. Fleiri voru að bæta sig og vinna til verðlauna eins og t.d. stelpurnar í 4x400m boðhlaupi, komu á óvart og sigruðu.  Við erum stolt að geta stutt við þetta efnilega íþróttafólk og óskum þeim og Gísla til hamingju með árangurinn.

Er að hlusta á Evu kenna Zumbuna í diskóljósunum og 40 konur í svaka stuði.  Það er ótrúlega flott stemming í öllum danstímunum á Bjargi.  Eva fer hamförum í Zumbunni þrisvar í viku, Body Jammið og Sh´bam eru svo á föstudögum og laugardögum og þar kennur Gerður Hip Hoppari líka.  Þær ætla að kenna saman næsta laugardag nýja Body Jammið kl 13:00 og það er opið fyrir alla og ekkert aldurstakmark.

Við þurfum ekki að auglýsa vinsælustu Gravitynámskeiðin sem eru tvö fyrir vefjagigtarhópa og eitt fyrir alla.  Ný námskeið byrjuðu í gær og á mánudag.  Biðlisti er inn á öll námskeiðin og konurnar sem eru í vefjagigtargravity námskeiðinu eru margar búnar að vera í nokkur ár.  Gravity er snilldarleikfimi fyrir stoðkerfið og hentar því þeim sem þurfa að styrkja sig en fara varlega. Sjúkraþjálfarar sjá um kennsluna í vefjagigtarhópunum og sjá um að svara spurningum og strá gullkornum til þátttakenda.

Næsta CrossFit námskeið frestast og byrjar 23. febrúar,