Fréttir

Danstími 30. mars

Laugardaginn 30. mars kl. 12:00 verður ekta stuðdanstími að hætti Evu. Dansþyrstir láti sig ekki vanta!

Spennandi framtíð á Bjargi

Sögur sem ganga um Bjarg núna eru stórlega ýktar.  Það stendur mikið til næsta haust, breytingar sem eru öllum til hagsbóta.  Það mun allt skýrast á næstu vikum.  Við erum ekki að fara neitt heldur að endurnýjast og breyta til.  Hlökkum til að takast á við framtíðina.  Fylgist vel með heimasíðunni og talið við okkur, ekki hlusta á sögur út í bæ.

Sterkur kjarni

Viltu sterkari kjarna, kvið og bakvöðva?  Ef svarið er já þá bendum við ykkur á CXWORX tímana kl 19:00 á þriðjudögum.  Hóffa kennir nýja prógrammið sem er áskorun fyrir alla.  Tímarnir eru krefjandi en henta samt þeim sem eru að byrja.  Tilvalið að taka 30 mínútna spinningtíma á undan.

Engir tímar eftir hádegi á miðvikudag

Athugið að allir tímar eftir hádegi falla niður á morgun, miðvikudag 27. mars.  Morguntímarnir halda sér.  Tækjasalurinn verður hins vegar opinn eins og vanalega frá 6 til 21.

páskar

Það er opið á morgun Pálmasunnudag í tækjasalnum, engir tímar. Miðvikudaginn fyrir páska falla allir tímar niður eftir hádegi.  Lokað verður á Skírdag og föstudaginn langa, einnig páskadag og annan í páskum.  Laugardaginn fyrir páska verður Tóta með stóran þrektíma fyrir alla kl 10.  Body Balance og lífsstíll falla niður.  Evudans verður á sínum stað kl 12.

Teygjutími

Síðasti föstudags teygjutíminn er í dag.  Heitur tími kl 16:30 þar sem Guðríður og Andrea nota bolta, foamrúllur, golfkúlur og fleira til að nudda, teygja og losa.  Allir velkomnir.

Elvar farinn suður

Elvar Guðmundsson Hot Yoga kennari er farinn suður til að vinna hjá RÚV.  Við söknum hans strax en óskum honum velfarnaðar í nýju starfi.  Bryndís og Hólmfríður tóku yfir tímana hans og munu jógast áfram með okkur fram á vorið.

Enginn dans um helgina

Eva þarf að fara í burtu og því falla danstímarnir á föstudag og laugardag niður.  Kíkið í spinningtímann til Óla á föstudaginn eða í dans hjá Öbbu með 50+ kl 16:15. 

Kortanúmer í afgreiðslu

Við erum með opið afgreiðslukerfi og treystum fólki.  Undanfarið höfum við heyrt að ansi margir séu að svindla sér inn og eigi ekki kort.  Við vörum við þessu og munum gera regluleg tékk í öllum tímum og standa við stigann uppí tækjasal og spyrja viðkomandi um nafn og númer.  Abba varaði Hot Yoga hópinn við þessu í gær en einhverjir lauma sér inn í þá tíma og ganga inn um neðri innganginn.  Skorum á alla að vera sanngjarnir og borga fyrir þjónustuna sem við veitum.

Lífsstíll

Fyrstu 8 vikurnar í lífsstílnum og nýju lífi eru að baki.  Hægt er að koma inná seinni 8 vikurnar en flestir eru skráðir á 16 vikna námskeið.  Uppgjör fyrir fyrstu 8 vikurnar fór fram í dag og það var ein sem var nálægt 10% léttingu á 8 vikum, Hulda Ragnarsdóttir.  Í verðlaun fær hún 6 mánaða kort.  Við veitum verðlaun í báðum hópum fyrir flesta sentimetra farna, hlutfallslega flest kíló farin og bestu mætingu.  Alls gefum við um 1 1/2 ár í verðlaun, sem er um 130 þúsund krónur.