Fréttir

Spinningtíminn á mánudögum kl 18:30 og CXWORX tíminn þar á eftir eru hættir.  Einnig súperkeyrslan á miðvikudögum kl 17:30.  Skoðið vel tímatöfluna og prufið tíma sem þið hafið ekki gefið séns.  Hot Yoga á þriðjudögum t.d. tími sem kemur á óvart og Body Fit á mánudögum kl 17:30, sjóðheitur boltatími þar sem við notum foamrúllurnar með og nuddum líkamannn um leið og við gerum góðar styrkjandi æfingar.

Við höfum verið með fulla skráningu í tvo hópa í vefjagigtargravity í allan vetur.  Þær voru að klára námskeiðin í gær. Við ætlum að bjóða uppá eitt námskeið í viðbót fyrir sumarfrí sem mun byrja næsta mánudag kl 17:30.  Námskeiðið er hugsað fyrir fólk með vefjagigt og önnur stoðkerfisvandamál.  Sjúkraþjálfarar kenna.

Við erum í sumarskapi og það er afmæli hjá Akureyrarbæ í ár.  Gott tilefni til að gera vel við okkar viðskiptavini.  Kreppukortin sem  hafa gilt milli 10 og 16 og kosta 5500 munu nú virka sem fullgild mánaðarkort frá 15. maí til 31. ágúst.  Nú er bara að æfa vel í sumar og brosa breitt.

Útinámskeið hefst 14.maí og verður á mán-mið-fim kl 17:30 

Það er góður hópur búinn að vera á lífsstílsnámskeiðunum

Það er afspyrnu rólegt hér yfir sumarið og þá sérstaklega yfir miðjan daginn, á föstudagseftirmiðdögum og á sunnudögum.  Því er á döfinni að reyna að þjappa fólki betur saman á þeim tíma sem opið er.  Í júní og júlí er ætlunin að opna kl 8:00 á þriðjudögum og fimmtudögum og hafa opið til kl 14:00.  Opna svo aftur kl 16 til 19.  Mánudagar og miðvikudagar verða eins og hefur verið frá 6 til 19.  Föstudagar yrðu þá frá 6-14:00 og etv. lokað á sunnudögum.  Fólk er meira og minna í burtu allt sumarið í sumarfríum sem er bara eðlilegt.

Ekki voru nógu margir viljugir að taka þátt í vorhreingerningu Öbbu.  Það verður því enginn morgunmatur á Bjargi í maí.  Vonum samt að fólk vandi sig við morgunmatinn sem er mikilvægasta máltíð dagsins.  Flestir Íslendingar borða Cheerios á morgnana, ekki góð undirstaða fyrir daginn.

Það eru 40 manns á hlaupanámskeiðinu hjá Sonju, Rannveigu og Óla.  Fyrsta vikan af 6 er í gangi núna og stemmingin góð í sólinni. Opnu tímarnir sem voru í allan vetur falla niður meðan á námskeiðinu stendur.  Sjáum til hvað tekur við eftir námskeið.

Síðasti Gravity plus tíminn verður á morgun og á föstudag verður síðasti CrossFit tíminn kl 8:30.  Hot Yoga timinn á sunnudögum er úti, Gravitytíminn á mánudögum sömuleiðis og spinning kl 17:15 á þriðjudögum.  Þannig að það er einn opinn Gravitytimi eftir á þriðjudagsmorgnum.  Enn er tveir CrossFit tímar inni kl 6:10 á morgnana.  Við munum halda megninu af morgun og hádegistímunum inni í sumar og vera með 2-3 tíma í boði seinni partinn. 

Undanfarin 2-3 ár höfum við boðið framhaldsskólunum og HA á Akureyri 50% afslátt af árskorti gegn því að þeir safni 100 undirskriftum.  Núna er verið að safna í öllum skólum og tilboðið á við kennara, nemendur og starfsfólk.  Sala korta fer svo fram í maí á Bjargi og kortin fara í gang 1. júní.  Bendum nýnemum á að þeir geta verið með.  Munum reyna að sinna þeim nýnemum sem misstu af tilboðinu í maí í haust.  33000kr fyrir árskort er geysilega vel boðið og innifalið er öll okkar aðstaða, timar og barnagæsla.