01.10.2012
Tryggvi verður með þema í spinning í dag, almennilegt!!! Drengirnir í U2 fá 60% af tímanum og Queen fá 40%, eða þetta sagði
hann í gær. Gott að mæta tímanlega til að tryggja sér besta hjólið og góðan stað í salnum til að fá
tónlistina í æð.
29.09.2012
Það geta allir farið í spinning í ca 20 mín 2x í viku kl 6:10 á morgnana. Flott upphitun og þó að CrossFit æfing
sé á eftir þá þarf ekki að taka hana. Þetta á líka við um 30 mínútna spinningtímana á
þriðjudögum og miðvikudögum, Það er foltt að mæta í þá og svo bara heim. Eða sleppa spinning og mæta bara
í CXWORX core tímann. Þessir tímar þurfa ekki að hanga saman. Svo má líka koma í 60 mínútna
spinningtíma og hætta eftir 45 mínútur ef úthaldið er búið. 10 spinningtímar eru í boði í hverri viku, 20-60
mínútna langir.
26.09.2012
Börnin verða í aðalhlutverki næsta sunnudag. Tækjasalurinn verður opin fyrir þau í fylgd forráðamanns. Þrautabraut
verður á neðri hæðinni og drykkir í boði Vífilfells. Þetta hefur verið sérstaklega vinsæll dagur undanfarin ár og mesta
spennan virðist vera að komast í tækjasalinn og þá helst á hlaupabrettin. Byðjum alla að sýna krökkunum tilitssemi og
þolinmæði.
24.09.2012
Það er hægt að koma í Hot Yoga kl 6:10 á þriðjudagsmorgnum næstu 6 vikurnar. 6x6x6 áskorun er í gangi og það eru
fáir á námskeiðinu og því ætlum við að opna tímann fyrir áhugasömum morgunhönum. Fyrsti tíminn er í
fyrramálið og nóg pláss.
22.09.2012
Allir sem kaupa sig inná námskeið á Bjargi geta prufað tíma á öðru námskeiði
22.09.2012
Það voru rúmlega 40 manns í Ólatímanum í morgun og Óli náði að keyra hópinn að mörkunum eins og vanalega.
Ekki amalegt að fara út í góða veðrið á eftir með smoothie í heita pottinum. 27 komu í Body Balance en Abba kenndi nýja
prógrammið, einstök tónlist, góðar æfingar og svitinn lak. Eva er svo á fullu að dansa núna með stóran hóp að
vanda. Íslandsmeistararnir í knattspyrnu kvenna komu og dönsuðu með Öbbu og Evu í dag, æðislegar og auðvitað laaaang flottastar.
20.09.2012
Við fáum reglulega kvartanir frá íbúum í Akursíðu sem er sunnan við Bjarg. Þegar álagið er mest leggja viðskiptavinir
okkar bílunum inná lóðum þessa fólks og alveg upp við eldhúsgluggana. Þetta er mjög þreytandi og oft erfitt fyrir
fólkið að komast heim. Núna er veðrið gott og tilvalið að koma á hjólinu eða gangandi. Einnig er hægt að leggja á
bílastæðin við kirkjuna. Virðum einkalíf nágrannanna.
19.09.2012
Hólmfríður og Aðalbjörg munu frumflytja Body Balance 58 í kvöld kl 18:30. Flæði frá einföldu Tai Chi, skemmtilegum
sólarhyllingum og standandi styrk yfir í krefjandi kviðæfingar og svo yndislegar jógastöður og slökun í restina. Hver tími er
einstök upplifun og færir okkur jafnvægi og kyrrð.
18.09.2012
Það eru margir búnir að bíða eftir spinningtímanum kl 16:30 á þriðjudögum og hann kemur inn í dag. Óli og Elvar munu
kenna þessa tíma til skiptis.
17.09.2012
Það er að fjölga all verulega þessa dagana. Fjögur námskeið byrjuðu í dag, Body Fit kl 6:10, Hot Yoga kl 8:15, mömmuþrek kl 10:30
og Gravity fyrir 60 ára og eldri. Góð þátttaka er á öllum námskeiðunum og fólk kemur inn í hitann til okkar og er heiti
salurinn vinsæll þessa dagana. Það er nóg að gera hjá einkaþjálfurunum og slatti af íþróttahópum sem æfa
hjá okkur.