Fréttir

Lokað 1. maí, fyrirlestur um rétt mataræði 3. maí

Það verður lokað hér mánudaginn 1. maí, allir í kröfugöngu eða einhverri annarri göngu. Miðvikudaginn 3. maí verður svo fyrirlestur um rétt mataræði fyrir öll námskeiðin sem eru í gangi núna, lífsstíl, síðubita og Gravity. Hann verður kl 20:30, strax á eftir útitímanum hjá lífsstílshópnum.

Gestabók lokuð

Við erum búin að loka gestabókinni í bili. Það er endalaus ruslpóstur sem kemur þangað inn og við getum ekki hent honum út sjálf. Vonandi getum við opnað hana aftur sem fyrst.

Troðfullt á Gravitynámskeiðin

Við þyrftum að vera með helmingi fleiri bekki til að geta sinnt öllum þeim sem vilja komast að á Gravitynámskeið. Þegar lífsstílsnámskeiðin eru búin ætlum við að setja á Gravitynámskeið á mánudögum og miðvikudögum. Já líklega bara tvö skipti í viku.

Flottasta gæsin!

Æðsti draumur Stínu rættist í gær er hún fékk að fara uppá pallinn og kenna með micrófón. Hún var náttúrulega langflottust og kenndi Síðubitunum ýmis trix á hjólinu til að komast hjá því að taka of mikið á. Aldrei hefur sést eins sexy kennsla á hjóli.

Matreiðslunámskeið!

Þá er komið að matreiðslunámskeiðinu hjá öllum sem eru á Lífsstílsnámskeiðum eða Gravitynámskeiðum. Þau sem voru á síðasta námskeiði meiga líka taka þátt. Námskeiðin verða á sunnudaginn kl 14 og þriðjudag kl 19:30. Ef það verður ekki næg þáttaka á sunnudag verður þriðjudagurinn bara inni.

Mikið að gera um páskana!

Aðsóknin var frábær um páskana og fullt af ferðafólki mætti og tók sinn prufutíma. Metið var líklega á Skírdag, þá komu um 300 manns og voru biðraðir í öll upphitunartækin á tímabili.

Vaxtamótun fyrir sumarið.

Við mælum eindregið með 4 vikna Gravitynámskeiði ef þú vilt sjá skjótan árangur. Finna fyrir stinnum vöðvum og sjá breytingu á skrokknum. Það er fullt á námskeiðin kl 06:15, 09:30 og 17:15, en 1 sæti laust kl 08:30.

Skáldið úr Kjarnafæði er mætt!

Helgi stórskáld mætti í gær, dvaldi lengi, samdi vísur og seldi kjöt. Hér kemur vísan sem var samin: Hérner gott að hafa kraftinn. Halda út í tíma fjóra. Ávallt lokaðann hafa kjaftinn, nema vatnið þarf að þjóra.

Línudans!

Íslandsmeistaramótið í línudansi er 13. maí. Abba er búin að semja dans og fyrsta æfing er á föstudaginn langa kl 16:00 hér á Bjargi.

Takið gestina með á Bjarg!

Nú eru páskarnir á leiðinni og bærinn að fyllast af fólki. Munið að við tökum vel á móti öllum sem vilja prufa að æfa hér og allir fá einn frían prufutíma.