Fréttir

Fólk er að átta sig á okkar glæsilegu útiaðstöðu og kemur hingað í sólbað þegar allt er fullt í sundlaugunum.

Það er kominn upp skráningarlisti fyrir gönguna á Snæfell í lok júlí. Steini P. er búinn að panta gistinu í skálanum fyrir um 25 manns svo það er um að gera að skrá sig sem fyrst. Sjá nánar.

Hjólahópurinn hjólaði í kringum Mývatn á þriðjudag. Allir eru í sæluvímu með ferðina, en þau fóru í Valagjá á eftir og svo í mat til Lilju og Gísla. frábært framtak hjá þeim.

Góð aðsókn var um helgina bæði í alla tímana, tækjasalinn og krakkarnir voru duglegir á sunnudeginum. Þökkum öllum fyrir komuna og samveruna. Það voru 9 manns sem mættu í fjallgönguna um kvöldið. Veðurútlitið var ekki gott fyrir hana en hópurinn fékk blankalogn, frábært útsýni en það var frekar kalt.

Við drógum í happadrætti Bjargfastra um helgina. Bjargfastir eru þeir sem kaupa fasta áskrift í 3 ár og borga 3194kr á mánuði.

Dagskrá laugardagsins 23. júní: Spinning kl. 09:30, Body Pump kl. 10:00, Body Step kl. 10:30, Body Jam kl. 11:00, Yoga kl. 11:30 og Boxercise kl. 12:00. Tímarnir eru bara í 30 mínútur (nema Boxið) og eru opnir fyrir alla.

Það hafa nokkrir fengið að prufa boxið í hádegistímanum. En Tryggvi, Anný og Jóna verða með kynningu og tíma í Boxercise næsta laugardag klukkan 12:00.

Það hefur aldrei kostað neitt að vera hér í hlaupahóp eða hjólahóp. Hlaupahópurinn er starfræktur allt árið og föstu dagarnir hér eru fimmtudagar klukkan 17:30.

Arnar kláraði 4 vikna línuskautanámskeið í gær og allir skautuðu niður og upp Borgarbrautina, frábært. Hlaupanámskeiðið hjá Rannveigu og Guðrúnu er langt komið og vonandi hafa hlaupararnir notað aðstöðuna hjá okkur sem var í boði.

Jibbííí... Já, það verður hátíð hjá okkur 23. og 24. júní. Opið hús alla helgina og frítt í líkamsrækt. Byrjum með 30 mínútna tíma kl. 09:30 og svo tekur annar við kl. 10:00 og svo áfram til kl. 12:00.