Fréttir

Salsakynning í Zumbatímanum á fimmtudag kl 18:30

Camilo, danskennari frá Kúbu verður með salsakynningu í Zumbatímanum á morgun kl 18:30.  Tíminn er opinn fyrir alla sem vilja prufa.  Hann hefur verið með námskeið hér á Bjargi undanfarið og verður árfam að kenna Kúbu salsa.  Frábær kennari og flottir dansar.

Kennsla í tækjasal

Við settum kennsluna í tækjasalnum á ákveðna daga og tíma fyrir um mánuði síðan þegar nýju prógrömmin komu. Nú er búið að kenna flestum og því höfum við tekið út timann kl 6 á miðvikudagsmorgnum.  Setjum hann etv. inn aftur eftir mánuð.  Kennslan mun etv. breytast meira í næstu viku.

Body Balance, frumflutningur

Hólmfríður og Aðalbjörg, Body Balancekennarar Bjargs frumflytja nýjan Balance næsta miðvikudag kl 18:30.  Einstakir tímar fyrir líkama og sál.  Tai Chi í upphitun ásamt sólarhyllingum úr Yoga.  Síðan standandi styrkur, jafnvægi, mjaðmalosun, kvið og bakæfingar og góð slökun í lokin. Tónlistin og æfingarnar renna saman og flæðið verður einstakt.  Hver veit nema Abba verði með happdrætti?

Opnir Gravitytímar

Gravity eru einstaklega góðir styrktartímar.  Hvetjum alla til að prufa og strákar , þetta er alvöru.  Opnir tímar eru á mánudögum kl 16:30, þriðjudögum kl 6:10 og fimmtudögum kl 17:30.  Fimmtudagstíminn heitir Gravity Plús og er erfiðari og öðruvísi en hinir.  Óli kennir þá og gerir allt sem honum dettur í hug í bekknum.  Þeir sem hafa aldrei prufað geta kíkt á bekkina í salnum við hliðina á Hot Yoga salnum.  Það eru bara 12 bekkir og því þarf að skrá sig í þessa tíma.  Föstudagstíminn kl 8:30 er hættur.

Tveir danstímar á laugardegi

Það verða tveir danstímar á morgn eins og vanalega þó 6x6x6 námskeiðið sé búið og næsta ekki byrjað.  Ásóknin í tímann kl 12 er mikil og við höfum opnað hann fyrir áhugasömum Zumbadönsurum. Það verður Shabam kl 12 og Body Jam kl 13.  Body Jam tíminn er opinn fyrir alla, þarft ekki að eiga kort og hann er líka opinn fyrir allan aldur.  Dönsum okkur inní helgina.

Viltu losna við síðustu 4-6 kílóin

6x6x6 áskorun fyrir konur er frábært námskeið fyrir þær sem vilja komast í gott form á 6 vikum og endanlega taka af þessi síðustu kíló sem eru oft svo erfið.  Sex mismunandi æfingar yfir vikuna, frábær prógröm í tækjasal og kennsla, Hot Yoga, spinning, heitir bolta og CXWORX tímar, Body Vive og Zumba.  Þetta er blanda sem klikkar ekki.  Næsta námskeið hefst 28. febrúar, skráning stendur yfir.

Flott keppni!!!

Bjargmeistarinn var í morgun og tókst einstaklega vel.  Skemmtileg braut, skýr og vel upp sett.  Góðir dómarar og frábærir keppendur.  Strákarnir byrjuðu og það kom ekki á óvart að Unnsteinn Jónsson skyldi sigra á tímanum 7,34 mín. Frjálsíþrótta/knattspyrnukonan Freydís Anna Jónsdóttir sigraði kvennaflokkinn á 9,18 mín og tvær stelpur ú mömmucrossfit hópnum gerðu sér lítið fyrir og sigruðu í tvenndarkeppninni en þær heita Birna Blöndal og Írena Elínbjört Sædísardóttir, á 6,30 mín.  Verðlaunin komu frá Veitingastaðnum RUB 23, Kaffi Költ, Sportveri og kort og bolir frá Bjargi. Tryggvi hafði umsjón með keppninni og var kynnir en þjáfarar og kennarar Bjargs sáu um að setja saman þrautirnar, dæma og framkvæma.  Keppnin er komin til að vera og er stefnana að hafa hana etv. oftar en einu sinni á ári.

Fullt af námskeiðum og skráning í gangi

Tvö CrossFit námskeið byrja 23. febrúar, 4 vikur kl 6:10 fyrir alla og 6 vikna mömmuCrossFit.  6x6x6 áskorun fyrir konur byrjar  28. febrúar og er skráning byrjuð á það námskeið.  Body Fit boltanámskeiðið byrjar 20. febrúar, 4 vikur og 3 tímar í viku.  Næsta Skvísunámskeið fyrir konur 50 ára og eldi byrjar 29. febrúar.  Skráning er komin vel á veg í sum þessi námskeið sem eru mjög vinsæl og því öruggara að skrá sig sem fyrst.  Þeir sem borga við skráningu geta byrjað strax að æfa. 

CrossFit tími hættir

CrossFit tíminn kl 17:15 á mánudögum er hættur.  Óli lét alla vita af þessu í síðasta tíma.  Mæting hefur verið dræm og því ekki grundvöllur til að halda úti tíma.  Bendum á að það er hægt að taka æfingu dagsins inní CrossFit salnum fyrir áhugasama, hann er opinn.

Flottir frjálsíþróttakrakkar

Frjálsíþróttafólk UFA er mjög áberandi hér hjá okkur á Bjargi og æfa stíft með Gísla Sigurðssyni þjálfara sínum.  Þau náðu frábærum árangri á MÍ um helgina.  Hafdís Sigurðardóttir varð fimmfaldur íslandsmeistari og var að bæta sig t.d. í 400m hlaupi eins og Kolbeinn Höður sem setti íslandsmet í þeirri vegalangd í sínum aldursflokki og varð annar í hlaupinu, frábær árangur hjá þessum unga pilti. Fleiri voru að bæta sig og vinna til verðlauna eins og t.d. stelpurnar í 4x400m boðhlaupi, komu á óvart og sigruðu.  Við erum stolt að geta stutt við þetta efnilega íþróttafólk og óskum þeim og Gísla til hamingju með árangurinn.