Fréttir

Nú er Hot yoga áskorunin að klárast á mánudaginn.  Við hvetjum alla til að halda áfram og missa ekki niður það sem hefur áunnist og halda áfram á leiðinni til betra lífs.  Ótrúlega margir tala um að þeir hafi reynt allt í líkamsrækt en ekki enst, svo prufuðu  þeir Hot yoga og það er bara best.  Seljum mánaðarkort á 10.000 kr og 10 tíma kort á sama verði.  Hægt er að kaupa aðgang fram að áramótum fyrir 25.000 kr og þá er tækjasalurinn innifalinn og Body Balance.

Tóta og Adda Þóra taka við þeim sem vilja fara í unglingaþrek eða í þrektíma fyrir 50 ára og eldri.  Símarnir Þeirra eru Tóta 895-6412, Adda Þóra 867-9957.

Það er hægt að byrja hvenær sem á námskeiðinu Nýtt útlit.  Núna er pláss í öllum hópum, kl. 8:15, 16:30 og 17:30(18:30, 17:15).  Það má fara á milli hópa og föstu tímarnir eru 11.  Þrektímar í salnum uppi (Gravitybekkir), heitir þrektímar niðri og spinning á efri hæð.  Innifalið í námskeiðinu er vikuleg fræðsla í netpósti, frjáls mæting í tækjasal, Hot yoga og Body Balance, vigtun og mælingar.  Abba og Óli sjá um flesta tímana.

Það hefur komið í ljós að margir eru ánægðir með lengri opnunartíma og munum við halda honum.  Samt er enginn að koma eftir kl. 21 á föstudögum.  Við ætlum því að stytta föstudagana í 21.  Áfram verður opið til kl 23 aðra virka daga og 10-16 um helgar.

Núna erum við að klára viku 3 í Hot yoga áskoruninni.  Um 70 manns eru skráðir í hana og hafa flestir verið duglegir að mæta.  Við erum með 10 tíma í boði vikulega og það er misjöfn mæting í þá, allt frá 5 og uppí rúmlega 40.  Þegar áskoruninni er lokið munu vinsælustu tímarnir halda áfram, 4-5  tímar vikulega.  Hvetjum ykkur til að mæta vel um helgina, tveir föstudagstímar, einn á laugardag og svo langi tíminn á sunnudag, allir verða að prufa einn svoleiðis.

Gluggarnir og hurðin út á útisvæðið voru komin í kl 16 á laugardag.  Fumlaus handtök steypusögunar norðurlands og smiðanna voru ástæðan.  Það var opið allan tímann og hægt að fylgjast með.  Núna er bjart í salnum og flott að horfa yfir í heiði.  Tækjasalurinn er að virka vel og við erum búin að setja inn ýmis smáatriði sem skipta máli.  Langur opnunartími mælist vel fyrir svo og að það kosti aðeins um 4000kr á mánuði að æfa í þessum sal og komast í einn þrektíma vikulega. 

Í morgunn kl 11 vippuðu steypusögunarmennirnir fyrsta hnullungnum út með krana, 4 tonn og allt gekk vel.  Smiðirnir skelltu svo fyrsta gluhgganum í.  15 manns voru að æfa og urðu vitni að þessari aðgerð en engum varð meint af.

Hólmfríður og Aðalbjörg frumflytja nýjan Body Balance á morgun, nr. 62.  Til gamans má geta þess að núna er eitt lag með íslenskri hljómsveit, Of monsters and men eru þarna með Little talks og við gerum Pilates kviðæfingar meðan við hlustum á lagið.

Því miður hefur fólk ekki notfært sér gæsluna og yogað fyrir börnin á laugardagsmorgnum.  Gerður rukkaði 500 kr fyrir skiptið og sinnti börnunum vel, en of fáir eru að notfæra sér þessa þjónustu til að hún borgi sig.  Þannig að það er engin gæsla á morgun en salurinn niðri er opinn fyrir eldri krakka og eitthvað af leikföngum eru þar, dýnur og boltar.

Núna eru spinninghjólin komin á stóran sal og nóg plass og gott loft.  40 hjól og hægt að spinna t.d. einu sinni í viku hjá Tryggva og þá fylgir þrektíminn á laugardögum með fyrir 14.000 kr. fram að áramótum, það er bara slikkur.  Já, kannið málið hvort þið voruð að mæta oftar en 2x í viku, ef ekki þá er þetta flottur díll.  Body Balance 1x í viku fram að áramótum kostar líka 14.000 kr og þá fylgir einn Hot yoga tími með og Bjargþrekið ef vill, en Balancinn er á laugardögum eins og þrekið. Einmitt, til hagsbóta fyrir viðskiptavininn.