Fréttir

Það verður brúðkaupsveisla í salnum okkar á laugardaginn og því fellur Zumban niður þann daginn, því miður.

Fyrsta auglýsingin kom í gær og það er strax fullt á tvö námskeið, nýtt útlit kl 16:30 og Gravity kl 17:30. 

Eva er mætt úr sumarfríi og mun kenna í dag kl 16:30.  Hinir tímarnir eru líka komnir inn kl 17:30 á fimmtudögum og 11 á laugardögum.  Mætum og dönsum með Evu!

Opnunartíminn lengist 27. ágúst og þá fer barnagæslan á fullt.  Ný tímatafla tekur við 3. september.  Hún er full af spennandi tímum og námskeiðum.  Breytum ekki miklu frá því í fyrra nema að Óli ætlar að vera með spinning í 20-30 mín og CrossFit í 20 mín. tvisvar í viku kl 6:10.  Þá verður Body Fit boltanámskeið í boði kl 6:10 og 6x6x6 námskeið kl 6:10, já það verður nóg í boði fyrir morgunhanana fyrir utan spinningtímann hans Tryggva á föstudögum og CXWORX á miðvikudögum.

Það verður áfram frí barnagæsla næsta vetur.  Þannig að fyrir rúmar 6000kr á mánuði er hægt að æfa eins oft og hver vill, mæta í alla opna tíma eins og Hot Yoga, en það kosta sérstaklega í þá hjá sumum stöðvum fyrir sunnan.  Nota gæsluna fyrir börnin, kennslu í tækjasal, heita potta og gufuböð.  Oft er fólk því að borga um 2-300kr fyrir skiptið með allri þessari þjónustu.

Olympíuleikar og verslunarmannahelgin, gaman að lifa!  Á föstudaginn fellur 6:10 spinningtíminn niður en morgunþrek og hádegisþrekið eru inni.  Það verður síðan lokað laugardag, sunnudag og mánudag.  Njótið lífsins og þess að vera í fríi.

Við byrjum að skrá á námskeið eftir verslunarmannahelgina.  Þau námskeið sem verður hægt að skrá sig á eru Nýr lífsstíll sem byrjar 27. ágúst, Nýtt útlit sem byrjar 3. september og Gravity sem fer af stað 27. ágúst.  Mömmu CrossFit námskeiðið fer líka af stað í lok ágúst.  Önnur námskeið byrja í september, eins og 6x6x6 fyrir konur og karla kl 6:10 á morgnana.  Body Fit boltanámskeiðin byrja um miðjan september og verða tímar kl 6:10 og 16:15 í boði.  Hot Yoga námskeið, unglinganámskeið og grunnnámskeið í CrossFit verða einnig í boði svo og Gravity Extra fyrir þau sem eru í góðri yfirvigt.

Nú eru margir í sumarleyfi og á faraldsfæti og því fækkar í tímunum.  Zumban er búin að vera 3x í viku í sumar og ótrúlega flott mæting.  En við ætlum að taka frí í kringum versló og því verður síðasti Zumbatíminn fyrir frí næsta laugardag.  Eva byrjar svo aftur að dansa mánudaginn 13. ágúst.

Barnagæslan seinni partinn er lítið sem ekkert notuð og ætlum við því að setja hana í frí fram í lok ágúst.  Hún hefur verið á mánudögum og fimmtudögum frá 16:30-18:30.  Gæsluherbergið er opið fyrir 5 ára og eldri og þau eldri geta komið með yngri systkin og passað þau á staðnum.  Morgungæslan heldur áfram. 

Það eru tveir Gravity tímar á miðvikudögum, annar kl 6:10 og hinn 16:30.  Gravity er styrktartími í sérhönnuðum bekkjum og allir stylla álagið sjálfir, miðað við þyngd og getu.  Munið að skrá ykkur tímanlega, 12 komast að í tímunum.