Fréttir

Frábær námskeið hjá Birnu og Tryggva.  Skráning stendur yfir og þau byrja 14. janúar.

Fullt er á bæði vefjagigtar Gravity námskeiðin.  Einnig er fullt á Nýtt útlit kl 16:30 og 3 laus pláss á Gravity Extra.  Nóg pláss er enn á Lífsstíl og Nýju útliti kl 6:10 og 9:30. 

Í síðustu auglýsingu í N4 dagskránni kemur fram að við séum að skrá í CrossFit og 6x6x6 og fleiri námskeið sem eru ekki á dagskrá.  CrossFit er komið í frí hjá okkur en Grit kemur í staðinn, sem fyrst eftir miðjan janúar.  6x6x6 er námskeið fyrir konur og karla sem geta æft 6x í viku í 6 vikur og 6 kg hverfa.  Við höfum ekki pláss fyrir þetta námskeið eins og er en það gæti farið af stað í febrúar.  Bendum á Nýtt útlit í staðinn og Grit kl 6:10 á morgnana.

Við byrjum á fullu á mánudaginn næsta.  Fullt af spennandi tímum og barnagæslan fer á fullt.  Við höfum þétt tímatöfluna og farið eftir óskum ykkar við ákveðnar breytingar.  Töluvert var beðið um lengri og fleiri spinningtíma kl 6:10 á morgnana og því ætlar Óli að hjóla meira á mánudagsmorgnum og gera svo góðar æfingar fyrir miðjuna á eftir.  Fleiri þrektímar var ein óskin og við erum með 8 opna þrektíma á viku og Óli og Elvar kenna á móti Hóffu og Bryndísi á þriðjudögum og fimmtudögum sem ætti að virka hvetjandi fyrir karlana að mæta. 

Tryggvi og Anna fóru á mjög spennandi kennaranámskeið í nóvember hjá Les Mills.  Nýtt kerfi sem heitir Grit og er fyrir fólk í góðu formi sem vill fara lengra.  Þau munu verða með námskeið kl 6:10 á morgnana á þriðjudögum og fimmtudögum eftir miðjan janúar.  Svakalega spennandi, skemmtilegt og öflugt kerfi.

Ósk Jórunn hefur boðið uppá Gravitytíma fyrir 60 ára og eldri núna í líklega 2 ár.  Tímarnir eru á mánudags og fimmtudagsmorgnum og byrja núna á mánudaginn kl 10:30

Óskum öllum gleðilegs árs með þakklæti fyrir gott líkamsræktarár.  Við stefnum að skemmtilegu ári og vitum að 2013 verður einstakt fyrir fögur fyrirheit.  Byrjum samt rólega en setjum allt á fullt að loknum jólum 7. janúar.  Skoðið tímatöfluna vel því einhverjir tímar falla niður fram yfir næstu helgi. 

Nú mæta allir í gamlárshlaup UFA sem byrjar hér við Bjarg kl 10 og 11.  Gangan hefst kl 10 og hlaupið kl 11, 5 og 10 km í góða veðrinu.  Súpa frá Rub 23 á eftir og brauð frá Bakaríinu við Brúna.

Hot Yoga verður kl 16:30 í dag og Zumban kl 17:30.  Spinningtíminn er á sínum stað kl 17:15.  Nú mæta allir spenntir að hreyfa sig eftir rólegheitin yfir jóladagana og Abba, Eva og Anna lofa dúndurtímum.

Óskum öllum viðskiptavinum Bjargs og fjölskyldum þeirra gleðilegra jóla og farsældar á nýju ári.