Fréttir

Það var alltaf frekar erfitt að halda úti tímum seinni partinn á föstudögum.  Núna erum við með val um 4 tíma, dans fyrir skvísur 50+ kl 16:15, Body Vive sem allir ættu að prufa kl 16:30, spinning kl 17:30 og Sh´bam danstími kl 17:30.  Það er alltaf að fjölga í þessum tímum, og barnagæslan er vel notuð þannig að hún verður áfram.  Það er geggjað að æfa á föstudögum, dansa eða hjóla inní helgina.

Hólmfríður er lasin og því fellur Body Step tíminn niður í dag.  Hún er ein með þessa tíma núna og engin til að hlaupa í skarðið. 

Það er einststaklega flott mæting í Hot Yoga á þriðjudögum og fimmtudögum og það góð að sumir þurfa að snúa frá því það er fullt.  Salurinn er fullur með 30 manns og ekki gott að troða mörgum aukadýnum inn. Við ætlum því að koma til móts við Hot Yoga aðdáendur og bæta við tíma á mánudögum kl 18:30.  Fyrsti tíminn verður eftir viku.  Elvar og Bryndís munu sjá um þessa tíma að mestu. 

Það er búið að vera stanslaust partý á Bjargi frá fimmtudegi.  Bleikur blær yfir öllu

Það er komin bleikur blær á stöðina, bleik ljós og kertaljós.  Munið að draga með ykkur gesti, frítt í 4 daga.

Það verður opið í Hot Yoga hjá Öbbu kl 8:15 á föstudaginn, einnig verður Hot Yoga í hádegistímanum hjá Bryndísi.  Aukatími verður kl 10:15 á sunnudeginum vegna dekurhelgar Bjargs.  Þá verður 90 mínútna vinyasa tími, frekar krefjandi flæði og fullt af ákorunum og góð slökun í restina.

Það verður frítt hjá okkur í allt í 4 daga þegar dömulegir dekurdagar fara fram á Akureyri.  Dekurhelgin okkar verður á sínum stað og er jafnt fyrir konur og karla.  Dagskráin okkar er spennandi og nuddararnir verða við innipottinn á álagspunktunum.  Bætum við einum tíma kl 10:15 á sunnudagsmogninum verðu 90 mínútna Hot Yoga, Hot yoga tíminn á föstudag kl 8:15 er líka opinn öllum sem vilja. Það verður notalegt á Bjargi þessa daga, kertaljós og happdrætti, dansmaraþon og stuð á laugardeginum kl 12, og alls er hægt að koma í 4 danstíma á Dekurhelginni.  Fullt af spinning, Body Fit, Body Pump og meira að segja Hot Yoga í hádeginu á föstudag.

Bubbi Morthens æfir hér þegar hann er á ferðalagi og er þá boxpúðinn vinsælastur.  Stelpurnar í lífsstílnum voru til í að bjóða honum á neðri hæðina og fá eitt lag.  En Bubbi klikkar ekki á litunum, er alltaf í appelsínugulu, flottur!

Nýtt útlit kl 9:30 og 16:30 byrjar næsta þriðjudag, 9. október.  Vegna fjölda óska verða tímarnir 3x í viku en ekki 4x eins og var og þá Gravity einu sinni og heitur tími tvisvar.  Gravity hjá morgunhópnum verður þá á mánudögum og 16:30 hópurinn verður tvískiptur, annar hópurinn á mánudögum og hinn á miðvikudögum.  Næsta Gravity Extra námskeið fyrir þau sem eru 30 kg of þung eða meira byrjar 16. október.

CXWORX í hádeginu á þriðjudögum hefur ekki verið vel sóttur og er því hættur.  Barnagæslan er næstum ekkert notuð milli kl 8 og 9 á morgnana, eitt til tvö börn hafa komið suma daga en oftast engin.  þannig að frá og með mánudeginum 15. október byrjar gæslan á morgnana kl 9:15, en ekki 8:15.