Fréttir

Við ætlum að setja sumartöfluna í gang 13. maí.  Heitur þrektími og spinning kl 6:10,

Danstímarnir eru að fara í frí vonandi bara tímabundið.  Eva mun kenna út þessa viku og fara svo í frí.  Við munum gera okkar besta að finna nýjan Zumbakennara, fylgist með.  Þá er bara komið að því að prufa aðra tíma, alltaf gott að breyta til og þá tekur líkaminn stökk og styrkist og breytist.

Það verður lokað á Bjargi 1. maí.  Allir í skrúðgöngu!

Mánudagstíminn í Hot Yoga sem var kl 18:30, verður kl 18:00 framvegis.

Það verður lokað hjá okkur næsta fimmtudag, sumardaginn fyrsta.  Allir fara út og leika sér í góða veðrinu.

Nýja námskeiðið hjá konunum er að fyllast en það bólar varla á körlunum.  Hvernig væri að breyta til og skella sér á námskeið, þurfa að mæta 4x í viku, fá aðhald og kennslu varðandi mat.  Verða síðan sáttari við sig í framhaldinu og fara inní sumarið skælbrosandi og fit?  Hljómar vel, 8 vikur fyrir 15000kr er líka gjafverð.

Body Fit á mánudögum er hætt.  Spinning kl 18:30

Body Steppið er hætt.  Við höldum eitthvað áfram með Body Fit tímann á mánudögum og síðasti spinningtíminn kl 18:30  á þriðjudögum verður á morgun.

22. apríl byrja Abba og Óli með tvö námskeið.  4 vikur, æfingar 3-4x í viku, og 4 vikur fríar.  Innifalið er vikuleg fræðsla í netpósti, mælingar og vigtun, þolpróf, aðgangur að öllum tímum, tækjasal og glæsilegu útisvæði með heitum pottum og gufubaði og frí barnagæsla.  Konurnar eru kl 16:30 og karlarnir kl 17:30. Umsjón hafa Óli og Abba.  Hann sér um prógröm og kennslu í tækjasal, spinning og þrek, hún sér um mælingar, fræðslu, heita þrektíma, Hot Yoga og Body Balance.  Skráning hefst 16. apríl.  Þetta er námskeið sem kemur ykkur í form fyrir sumarið, frábær blanda af tímum og tækjasal.

Vegna masterclass tímans í Zumbu í dag kl 18:30 fellum við niður spinningtímann.  Von er á miklum fjölda og þarf hópurinn báða salina.