Fréttir

Við erum með tvo opna Gravity tíma í sumartöflunni.  Hvetjum alla til að prufa þessa tíma, ótrúlega öflugir og koma alltaf jafnskemmtilega á óvart.  Það er bara pláss fyrir 12 svo það þarf að skrá sig í síma 4627111.

Sumir þjálfararnir eru búnir að auglýsa sína tíma fyrir haustið 2013 og langt komnir með skráningu í þá.  Við munum fljótlega setja inn allt sem verður í boði næsta haust og verðskrá með.

Það er að sjálfsögðu lokað 17. júní.

Við erum að gefa leikföngin úr barnagæslunni þessa dagana.  Eftir langa og góða þjónustu við barnafólk leggjum við hana niður.  Einnig eigum við slatta af flottum pokum utanym Yogadýnur er einhver vill.  Gólfmotturnar, eða dýnugólfið úr salnum er til sölu.  Hver motta kostar 200kr.  Einnig eru hlaupabretti og ein 9 líkamsræktartæki til sölu vegna breytinganna.

Hot Yoga tíminn á morgun kl 17:30 fellur niður vegna viðgerðar á gólfi salarins.  Það er verið að taka það í gegn og verður vonandi klárt á þriðjudag í næstu viku.  Breytingar á barnasal í spinningsal eru langt komnar.

Það er líklega engin stöð á Íslandi með eins flotta útiaðstöðu og Bjarg.  Núna erum við með suma tíma úti á pallinum góða.  Möguleiki á stuttum hlaupahringjum á stígum í kring til að krydda þrektímana og tónlist til að halda okkur við efnið.  Óvissuhóparnir fá líka að vera á pallinum og jamma og dansa.  Vonum að sumarið verði svona gott áfram.

Heiti þrektíminn er kominn yfir á þriðjudaga kl 16:30.  Abba kennir og notar boltana, teygjur, lóð og rúllur.

Abba tók við tveimur óvissuhópum um síðustu helgi.  Við búum til pakka eftir ykkar þörfum.  Annar hópurinn kom við og tók vel á kjarnanum, kviðæfingar í 5 mínútur og diskódans í 5 mínútur á útipallinum.  Hinn hópurinn tók allan pakkann, fíflagang með Öbbu, dans og skrítnar æfingar, pottur á eftir.

Frá og með mánudeginum styttist opnunartíminn.  Opið verður frá 6-20 á mánudögum og miðvikudögum.  Frá 6-14 og 16 -20 á þriðjudögum og fimmtudögum.  Frá 6-14 á föstudögum og 9-14 á laugardögum.  Lokað á sunnudögum.  Barnagæslan er mjög lítið notuð og verður því í eina viku í viðbót, hættir eftir fyrstu vikuna í júní.  Laugardagsgæslan verður á meðan Ólatíminn er inni, allavega út júní.

Hóffa og Abba munu frumflytja Body Balance númer 61 kl 17:30 í dag.  Falleg tónlist, flæði í Tai Chi og jógastöðum og krefjandi kvið og bakæfingar úr Pilates.  Slökun í lok tímans.  Við kennum sama prógrammið í ca 3 mánuði, þannig að færnin verður smátt og smátt meiri, tæknin betri og árangurinn alvöru.