Fréttir

Nú eru námskeiðin að klárast og 1-4 vikur eftir.  Einhverra hluta vegna fækkar alltaf þegar dregur að lokum námskeiða.  Því ætlum við að opna suma tímana til að leyfa öðrum korthöfum á Bjargi að prufa.  Gravity vefjagigt kl 18:30 á mánudögum og miðvikudögum, þar er pláss fyrir um 8 manns aukalega fram til 10. maí.  Gravity Extra kl 16:30 á þriðjudögum og fimmtudögum er fyrir þau sem eru 30 kg of þung eða meira.  Nýtt líf kl 9:30 4x í viku, 2x þrek á mánudögum og miðvikudögum, heitur tími með bolta og fleira á fimmtudögum, Gravity á föstudögum.  Það er líka pláss fyrir nokkra að prufa Nýja útlitið kl 16:30 en þar er heitur tími á þriðjudögum og fimmtudögum, en Gravity á mánudögum og miðvikudögum.  Nýr lífsstíll er svo kl 18:30 á mánudögum og miðvikudögum og 10:30 á laugardögum, góðir þrektímar. Við ætlumst ekki til að fólk komi í alla tímana heldur prufi einn og einn ef áhugi er fyrir.

Frá 1. maí gilda kreppukortin allan daginn og í allt.  Frábært tilboð á 6600kr mánuðurinn.  1. júní má síðan búast við afgerandi tilboði á kortum.

Í kringum miðjan maí byrjum við með sumardagskrána.  Morguntímar verða kl 6:10, 8:15 og hádegisþrek 3x í viku.  Í miðri viku verða einn til tveir tímar verða í boði seinni partinn.  Body Pump, Hot Yoga, Body Balance, spinning, þrektímar, heitir Þrektímar og Zumba verða örugglega áfram. Ólatíminn verður svo þar til Óli fer í sumarfrí.  Barnagæslan hættir 1. júlí.

Vikan sem fer í hönd verður prófraun á hvaða tímar fara að falla út.  CXWORX á þriðjudögum er hættur en það verður einn spinningtími í viðbót kl 18:30. Body Step og Body Fit á mánudögum eru líka frekar fámennir en verða keyrðir eina viku í viðbót.  Þrektíminn á fimmtudögum kl 16:30 er hættur.  Þeir sem hafa mætt í hann geta farið í heitan tíma hjá Öbbu  eða Gravity hjá Tótu næstu tvær vikurnar.

Anna er lasinn í dag og því verður Abba með lóðaþrekhring í dag kl 17:30 í Body Pump tímanum.  Óli kennir spinning kl 18:30 í 45 mín og CXWORX fellur niður.  Líklega er sá tími hættur vegna lélegrar aðsóknar.  Combatið fellur niður á morgun.

Laugardaginn 30. mars kl. 12:00 verður ekta stuðdanstími að hætti Evu. Dansþyrstir láti sig ekki vanta!

Sögur sem ganga um Bjarg núna eru stórlega ýktar.  Það stendur mikið til næsta haust, breytingar sem eru öllum til hagsbóta.  Það mun allt skýrast á næstu vikum.  Við erum ekki að fara neitt heldur að endurnýjast og breyta til.  Hlökkum til að takast á við framtíðina.  Fylgist vel með heimasíðunni og talið við okkur, ekki hlusta á sögur út í bæ.

Viltu sterkari kjarna, kvið og bakvöðva?  Ef svarið er já þá bendum við ykkur á CXWORX tímana kl 19:00 á þriðjudögum.  Hóffa kennir nýja prógrammið sem er áskorun fyrir alla.  Tímarnir eru krefjandi en henta samt þeim sem eru að byrja.  Tilvalið að taka 30 mínútna spinningtíma á undan.

Athugið að allir tímar eftir hádegi falla niður á morgun, miðvikudag 27. mars.  Morguntímarnir halda sér.  Tækjasalurinn verður hins vegar opinn eins og vanalega frá 6 til 21.

Það er opið á morgun Pálmasunnudag í tækjasalnum, engir tímar. Miðvikudaginn fyrir páska falla allir tímar niður eftir hádegi.  Lokað verður á Skírdag og föstudaginn langa, einnig páskadag og annan í páskum.  Laugardaginn fyrir páska verður Tóta með stóran þrektíma fyrir alla kl 10.  Body Balance og lífsstíll falla niður.  Evudans verður á sínum stað kl 12.