Fréttir

Það er mikið spurt um námskeiðin, hvenær þau byrji og klukkan hvað þau verði o.s.frv. Lesið allt um þetta undir liðnum lífsstíll hér á síðunni. Hvað verður nýtt? Markmið eða verkefni sem kennarinn setur fyrir þátttakendur hálfs mánaðarlega. Þannig ætlum við að halda ykkur við efnið í 12 vikur og meta árangurinn upp á nýtt. Óvænt verðlaun og uppákomur allt námskeiðið. Síðubitar???

Við gátum ekki fengið betri dag til þess að fara á Súlur. 25 manns mættu og margir voru að fara sína fyrstu ferð upp en örugglega ekki þá síðustu.

15 manns og einn hundur mættu í jónsmessugönguna á Ysta-víkur fjall í gærkvöldi. Uppgangan tók aðeins lengri tíma en ætlað var og við þurftum að brjótast í gegnum birkirunna, sem var bara gaman.

Hress í Hafnarfirði er stöðin sem okkar fólk getur notað ef það er á ferðalagi fyrir sunnan. Þetta er frábær stöð og andinn þar er eins og hjá okkur, góðir kennarar og viljugt starfsfólk.

Það er gott veður! Og þá skellum við á Jónsmessuferð annað kvöld. Ákvörðunarstaður er Ysta-fell í Víkurskarði.

Anna María og Elín tóku þátt í átaki með okkur og þættinum Bravó á Aksjón eftir áramót(sjá verkefni). Markmiðið hjá þeim var m.a. að fara á Súlutind.

Við höfum alltaf farið í einhverjar ferðir á hverju sumri. Hjólað, gengið á fjöll eða skokkað. Fyrsta ferð er fyrirhuguð um Jónsmessu, munum sameina hjól og fjallgöngu, þ.a. þeir sem vilja hjóla á staðinn en hinir koma á bíl og svo skokkum við upp á eitthvert fjall.

Það eru um 20 manns að mæta í línuskautatímana, greinilega eitthvað sem vantaði hér. Svo mættu rúmlega 40 í Body Jam í gærkvöldi.

Afmælisdagurinn hans Steina varð að einum allsherjar hlaupa og hreyfingardegi. Hann hljóp í hádeginu og var miklu fljótari en hann eða nokkur annar reiknaði með.

Fyrsti Body Jam tíminn á Bjargi og líklega hér á landi með íslenskum kennara var í gær. Ótrúlega góð mæting var, rúmlega 40 manns og geggjuð Hip hop, latin og jazz stemming.