Fréttir

Morgunþrekið sem er kl 08:15 þrisvar í viku mun fá tilbreytingu frá þrektímunum 1x í mánuði. Síðasta föstudag í hverjum mánuði munum við bjóða uppá Bjargboltatíma eða Body Balande.

Þessa viku ætlum við að frumflytja ný prógrömm í Les Mills kerfinu. Body Vive og Body Pump á þriðjudag. Abba og Hóffa kenna Vivið og Anna og Birgitta Pumpið. Gaman væri að sjá fjólublá og rauð föt eða svitabönd í tímunum og það verður partýstemming.

Það er söfnunarkassi á Bjargi fyrir Gísla og fjölskyldu. Sumir vilja frekar setja pening í bauk en leggja inn á reikning. Þessi kassi verður þarna næsta mánuðinn fyrir alla sem vilja styrkja.

Næstu Gravitynámskeið hefjast 6. október og er skráning hafin. við breyttum tímanum á námskeiðinu sem var kl 16:15 í 16:30 til að ná barnagæslunni sem byrjar 16:30 alla virka daga.

það voru um 300 manns sem mættu og fóru upp að Skíðastöðum. Stemmingin var góð og frábært að sjá hvað margir fóru alla leið. Heilu fjölskyldurnar komu og börn í barnavögnum, fólk með hunda og hestamenn.

Súperspinningí 2 klst, 5 kennarar, fullt af frábærri tónlist, óskalög, hægt að bjóða í og losna við kennarann, fá kennarahjólið, láta Öbbu þegja og Binna fara úr að ofan.

Það verður opinn kynningartími á Bjargboltanum sunnudaginn 21. september kl 10:30. En nýtt námskeið byrjar 23. september og er kennt tvisvar í viku á þriðjudögum og fimmtudögum.

Næsta laugardag verður lífsstílstíminn sem átti að vera kl 11:30 á Bjargi úti. Við hvetjum ykkur til að mæta í gönguna fyrir Gísla og fjölskyldu kl 10:30-11:00.

Davíð Kristinsson næringar og lífsstílsþerapisti verður með fyrirlestur um rétt mataræði hér á Bjargi þriðjudaginn 23. september kl 20:45. Fyrirlesturinn er fyrir alla sem eru á lífsstílsnámskeiðum, Gravity námskeiðum, Vo2max og Bjargboltanum.

Margir eru eflaust búnir að fá póst með beiðni um stuðning við Gísla sem lenti í hjólaslysinu 2. september í Kjarnaskógi og lamaðist fyrir neðan brjóst.