Fréttir

4 vikna Vo2max námskeiðið er að klárast í þessari viku. Nýtt 10 vikna námskeið hefst 22. september og verður til mánaðamóta nóv/des og síðan æfa allir frítt út árið.

Það er skrítið hvað aðsókinin í tímana sem eru kl 18:30 er dræm. Það er samt troðfullt á lífsstílsnámskeiðinu kl 18:30 (50 manns).

Ósk byrjaði með Gravity námskeið fyrir 60 ára og eldri í gærmorgun. Námskeiðið er tvisvar í viku kl 09:30 og stendur í 4 vikur. Það er hægt að komast að fyrir áhugasama, 4 sæti laus.

Sumir eru mjög vanafastir í sinni líkamsrækt. Það er gott að breyta til reglulega og stunda fjölbreytta hreyfingu. Skoðaðu úrvalið af tímunum í tímatöflunni og skipulegðu eina eða tvær vikur þar sem þú ferð á milli og prófar sem flest.

Opnu vikunni lauk í dag og það voru um 1000 nöfn í gestabókinni. Við drógum út 6 númer og eftirtaldir fá mánaðarkort í vinning: Húni Heiðar Halldórsson, Unnur Lára Halldórsdóttir, Jón M. Ragnarsson, Jóhann Orri Jóhannsson, Unnur Valgeirsdóttir og Guðrún Kristín Björgvinsdóttir.

Lífsstílsnámskeiðin byrja mánudaginn 1. september. Rúmlega 100 manns ætla að leggja í þessa 8-13 vikna ferð með Öbbu og hinum kennurunum. Námskeiðin eru sérstaklega spennandi núna því allt fræðsluefnið er nýtt og ef þátttakendur eru duglegur mun árangurinn verða góður.

Það er löngu orðið yfirfullt á lífsstílsnámskeiðið kl 18:30 og langur biðlisti. Enn er hægt að komast að kl 19:30 og 09:30. Námskeiðin verða með nýju sniði og allt fræðsluefnið er nýtt.

Þá er búið að merkja húsið. Snorri Guðvarðsson málaði logóið okkar á báða gafla hússins. Það er komin ný lýsing þannig að þetta sést vel og er líka glæsilegt á kvöldin.

Leikurinn við Spánverja er í hádeginu á morgun og við búumst ekki við að margir mæti í tímann og höfum því ákveðið að fella hann niður.

Abba er að drepast úr monti núna og skipar öllum að óska sér til hamingju. Ástæðan er að Vésteinn bróðir hennar er þjálfari Ólympíumeistarans í kringlukasti karla.