Fréttir

Það voru 18 manns sem fóru á Snæfell á vegum Bjargs/afmælisferð. Þetta er eina ferðin sem við höfum auglýst sem hópferð. En flestir eru duglegir að drífa sig á fjöll í góðu veðri þegar þeim hentar. Því ákváðum við að vera ekki að auglýsa fleiri göngur.

Smá tilkynning til þeirra sem voru í óbyggðaferðinni sl. helgi. Það eru komnar uppskriftir og hlekkir inná myndir hér undir flottu myndinni af okkur Óla til hægri.

Þá er komið að verslunarmannahelginni og margir á faraldsfæti. Við styttum opnunartímann þessa helgi: laugardagur 2. ágúst lokað, sunnudagur 3. ágúst opið 10 - 13, mánudagur 4. ágúst opið 10 - 13.

Við stefnum á að byrja aftur með 4 vikna Gravitynámskeiðin 11. ágúst. Þau myndu verða kl. 06:15 þrisvar í viku og 17:15 tvisvar.

Það eru ótrúlega margir sem hverfa héðan á sumrin. Margir eru að ferðast og ganga mikið. Aðrir eru að ferðast en gera kannski meira af því að grilla og fá sér bjór og flögur og allt sem fylgir orðið sumarleyfisferðum í dag.

Nú eru flestir komnir í frí og burt úr bænum og því eru tímarnir á laugardögum hættir. Ólatíminn sem var kl 09:00 og Body Jam kl 13:00. Þeir byrja svo aftur í ágúst.

Agnes sagði já við Sævar klukkan rúmlega 16 í dag. Hún er yfir barnagæslunni hjá okkur og var einstaklega glæsileg brúður. Til hamingju þið tvö.

Snæfell mánudaginn 28. júlí!! Þetta er ganga fyrir alla áhugasama göngugarpa. Abba og Óli eru að halda uppá 100 ára afmæli, eða 99 því Abba verður 50 ára í janúar 2009.

Abba er búin að reyna að vera með útitíma en fáir hafa mætt og hefur hún því ákveðið að taka þá út úr töflunni.

Konurnar eru að skila sér í opnu vikunni. Uppundir 30 manns eru að mæta í morgunþrekið kl 08:15 og í gær komu 25 í Body Balnce og nutu þess að framkvæma æfingar fyrir líkama og sál.