Fréttir

Það eru allir að nota kortin sín vel núna og mæta í ræktina. Í gær voru tveir 30 manna spinningtímar í röð, yfir 20 konur í Body Vive, 30 í Pumpinu, 22 í Boxinu, Vo2max hópurinn, 18 í Balance, hópur frá Kaupþingi, Handboltastrákar í Body Pumpi og svo allir sem komu í salinn. Þannig að um 200 manns komu bara í tíma.

Nú er síðasta vikan að hefjast hjá þeim sem skráðu sig á 8 vikna lífsstílsnámskeið. Flestir eru á 13 vikna námskeiði sem klárast í byrjun desember. En það losna nokkur pláss síðustu 5 vikurnar og er hægt að komast að í hópana 3, kl 09:30, 18:30 og 19:30.

Það var gríðarleg aðsókn í tímana um helgina. 48 manns í Ólatíma, 35 í Body Balance á laugardegi og 28 Á föstudegi og geggjað í jamminu og þar mættu stelpurnar í dansdressunum og skemmtu sér.

Við höfum alltaf verið með dekurhelgi í október og núna fellur hún inní Dömulega dekurdaga á Akureyri. Við ætlum að dekra við dömurnar en strákana líka. Dagskráin sést undir myndunum af speglunum hér til hægri. Við byrjum í fyrramálið og skemmtum okkur með öðruvísi spinningtíma kl 06:20.

Ef eitthvað er ódýrt á Íslandi þá er það líkamsrækt. Við viljum benda fólki á að athuga hvað mánuðurinn kostar. Skólafólk borgar 3700kr fyrir mánuðinn(miðað við árskort) og allflestir aðrir um 3900kr. Hvað færð þú fyrir þennan pening í dag?

Við ætlum að létta lund Akureyringa með því að hafa frítt í Body Jam fram að jólum. Það er frábært að koma hingað kl 13:00 á laugardögum og fá útrás í dansi, svitna og losa sig við áhyggjur vikunnar.

Nettó og Yggdrasil bjóða öllum sem eru á námskeiðum á Bjargi(lífsstíll, Gravity, Bjargboltinn, Vo2max) í matreiðslukennslu í búðinni þriðjudagskvöldið 7. október kl 20:00-21:00.

Við ætlum að hækka tónlistina í tækjasalnum á miðvikudagskvöldum eins og undanfarna vetur. Vorum með rokkkvöld fyrst en núverandi tónlistarstjóri er meira í remixinu og dans/teknó tónlistinni.

Ósk Jórunn sjúkraþjálfari hefur verið með Gravity námskeið fyrir 60 ára og eldri kl 09:30 tvisvar í viku. Nýtt námskeið hefst á mánudaginn og eru 4 bekkir lausir.

Við ætlum að bæta við tveimur tímum vegna fjölda áskorana. Gravity Plús er erfiður Gravitytími sem kemur inn á fimmtudagana kl 17:30 og byrjar í næstu viku. Það þarf að skrá sig í þessa tímaog skráning hefst á laugardegi.