Fréttir

Það er mikið spurt um Vo2max námskeið, og það mun byrja 19. janúar með útitíma. Ætlum að bjóða uppá 6 og/eða 12 vikna námskeið. Fastir tímar verða þrisvar í viku: mánudagar 17:30 útitími, þriðjudagar 17:30 Gravity/þrek og föstudagar 17:30 þrektími.

Loksins getum við boðið uppá leikfimi fyrir barnshafandi konur og mæður með ungabörn. Anný Pálmadóttir sjúkraþjálfari ætlar að fara af stað með 4 vikna námskeið á mánudögum og miðvikudögum kl 18:30.

Við vorum búin að tilkynna að gjald yrði tekið fyrir barnagæsluna eftir áramót. Við ætlum að fresta því en hækka kortin í staðinn. Vonum að þetta komi sér vel fyrir barnafólk og sérstaklega alla þá sem eru að koma á Lífsstílsnámskeiðin.

Við ætlum að bjóða uppá Gravityhóp fyrir þá sem eru vel þungir eða 30+. Þessir tímar verða tvisvar í viku kl 18:30 á mánudögum og miðvikudögum. Bjóðum þessum hóp að mæta með lífsstílnum á laugardögum kl 11:30 í þrektíma, eða

Abba tók fyrsta Body Balancinn sem var kenndur hér fyrir 8 árum á laugardag. Hún ætlar að endurtaka leikinn á þriðjudaginn, skemmtileg lög og góðar æfingar.

Um 70 manns komu í áramótatímann í gær. Hóffa stjórnaði upphitun og marseraði með hópinn um allt hús og lét öllum illum látum. Eftir það var hópnum skipt á 4 staði og Binni hjólaði, Jóna sá um Body Attack, Anna og Birgitta pumpuðu lóðin með liðinu og Hóffa var með Body Step.

Það hefur alltaf verið góð aðsókn í tíma milli jóla og nýárs. Núna verðum við með áramótagleðina á mánudegi. Það verður 2 klst tími 29. des. kl 17:00.

Það var góður árangur á lífsstílsnámskeiðinu sem var að klárast á mánudaginn. Margar voru að losa sig við um 4-14 kíló á 13 vikum, sentimetrarnir fuku, 6 náðu 10% léttingu eða meira á 13 vikum og vonandi lærðu allir eithvað varðandi hollt líferni.

Hádegishópnum er boðið í Krullu mánudagskvöldið 8. des. kl. 19:30 í skautahöllinni. Davíð Valsson er sá sem býður og mun hann og hans vinir leiðbeina hópnum. Ætlunin er að fara á Bláu könnuna á eftir en krullan mun taka um 1-2 klst. Þessu boði er ekki hægt að hafna, skráning á Bjargi.

Það eru nokkrir farnir að spyrja um hvernig verður opið um jól og áramót. Við lokum aðeins í 4 daga alls. Allt um þetta hér til hægri undir jól á Bjargi. Við höfum alltaf verið með gleði um áramótin og það verður enn meira núna.