Fréttir

Já, Óli verður fimmtugur á miðvikudaginn, 23. janúar. Hann ætlar að vera í fríi frá Bjargi þann dag. En á laugardaginn verður partý fyrir alla, og þá meinum við alla. Þetta er uppskeruhátíð í leiðinni fyrir alla sem æfa á Bjargi og það kostar ekkert inn.

Jóna eignaðist þriðju stelpuna sína 16. janúar. Hún var tekin með keisara. Sendum Jónu kveðjur og vonumst til að sjá hana sem fyrst aftur hér á Bjargi. Hún kennir Body Pump, Body Step, Boxercise, Konutíma og þrek.

Við bjóðum einn frían tíma í viku fyrir þá sem ega ekki kort á Bjargi. Skiptum mánaðarlega um tíma, (sjá í hægri stikunni).

Um 110 manns eru að mæta í fyrsta tímann á 8 eða 16 vikna lífsstílsnámskeiði á morgun. Við munum reyna að vigta og mæla sem flesta fyrsta daginn.

Erum að setja inn Boxercisetíma á laugardögum kl. 11. þannig að nú er hægt að nota barnapössunina og vera búinn kl. 12.

Það var troðfullt í Body Vive tímanum áðan, 40 konur mættu og flestar vel fjólubláar. Allar drógu heilræði í lok tímans og á sumum þeirra var vinningur, bolur, brúsi eða skyrsmoothie.

Já, nú er engin afsökun, Abba ætlar að mæta með hlaupahópi UFA á fimmtudögum og stundum á þriðjudögum.

Stór kynningar og partýtími í Body Vive verður á föstudaginn(11. janúar). Hóffa, Birgitta og Abba verða allar að kenna og mæta að sjálfsögðu í fjólubláu, en það er litur Body Vive.

Það voru 48 konur í konutímanum í gær og þeim á eflaust eftir að fjölga. Vegna þessa fjölda þurfum við að nota báða salina fyrir þennan tíma á miðvikudögum eins og mánudögum.

Hvernig er best að byrja? Hvað er hagstæðasta kortið? Best er að byrja á því að labba á hlaupabrettinu og fá kennslu í tækjasalnum, mappa við afgreiðslu. Einnig er gott að byrja á lífsstílsnámskeiði því þar færð þú allan pakkann.