Fréttir

Vegna viðgerðar á snjóbræðslukerfi verður að loka aðal innganginum að Bjargi mánudaginn 18. des og þriðjudaginn 19.des. Vinsamlegast gangið um kjallara inngang á meðan á framkvæmdum stendur.

Það fóru út 18 þriggja mánaðakort í gær þegar við útskrifuðum lífsstílshópana tvo eftir 14 vikna námskeið. 12 náðu 10% léttingu og hin kortin fóru svo í verðlaun fyrir mestu léttingu, flesta sentimetra farna og fyrir góða mætingu. Óskum öllum til hamingju með frábæra árangur.

5 Gravitynámskeið kláruðust á föstudag, það síðasta er búið um 11. des. Síðasti tíminn hjá lífsstílshópunum er 6. des og Vo2 max er til 16. des.

Munið að konutíminn og þrek 3 falla niður á föstudag. (næastum allt starfsfólkið er á leið út í óvissuna). Ólatími verður ekki á laugardag, Fit Pilates verður í stað Body Balance timans (skráning 20 komast að), Vo2max fara á gönguskíði og Hrafnhildur verður með Body Jam.

Dekurhelgin tókst vel og kennarar, starfsfólk og nuddarar dekruðu við viðskiptavinina. Margir vinningar fóru út, mánaðarkort, 50% afsláttur á Gravitynámskeið, skyrsmoothe og nuddtímar. Um næstu helgi ætlum við að fara í óvissu og árshátíðaferð með starfsfólkið.

Óli var nú ekkert að dekra við liðið í tímanum á laugardagsmorgunn. Eða hvað? Hann náði upp rífandi stemmingu eins og honum er lagið og allir komu sveittir og sælir út.

það voru kenndir 10 Fit Pilates tímar hér á föstudag, laugardag og sunnudag. Hóffa og Abba sáu um kennsluna og eru með smá harðsperrur eins og eflaust fleiri.

Það sagði einn viðskiptavinur að þetta væri eins og Gallerí, fullt af listaverkum út um allt. Við vígðum tvö þeirra formlega um helgina.

Matthildur Áta Hauksdóttir á listaverkið við snyrtiaðstöðuna. Hún hefur gert alla speglana sem eru hér og borðin. Hún kveikti á sólinni sem er okkar lífgjafi.

Elli píp átti afmæli á föstudaginn og var komið á óvart með forláta köku kl. 06:30 að morgni.