Fréttir

Um næstu helgi verðum við með kynningu á stöðinni á Glerártorgi. 19.-20. og 21. október koma Þorbjörg og Umahro hingað og verða með námskeið í Grunnreglunum 10 sem er fræðslu- og matreiðslunámskeið.

Við höfum fengið frábær viðbrögð við fyrirlestrunum sem verða á sunnudag. Sum félög borga fyrir sitt fólk og aðrir eru með skyldumætingu. Þetta verður áhugavert og er öllum opið. Sjá nánar undir myndinni af Fríðu í hægri stikunni.

Það var Les Mills veisla hér í gær og frábær mæting í alla tíma. Frumflutningur var á þremur kerfum: Body Step, Body Pump og Body Balance.

Fjórir kennarar voru í Reykjavík um helgina á Fusion Festivalinu hennar Unnar Pálmadóttur. Það er nauðsynlegt að hlaða batteríin reglulega og þarna voru frábærir kennarar með skemmtilega tíma í hinu og þessu.

Þið sem eruð á námskeiðum á Bjargi: Nýjum lífsstíl, Síðubitum, Gravity, Gravity vefjagigt, Vo2Max eruð velkomin á fyrirlestur um rétt mataræði mánudaginn 25. september kl 20:45 í kjallaranum.

Það er flottur hópur í Vo2max námskeiðinu, getum bara kallað þetta súrefnis hópinn. Þau voru úti með Óla í gær og fóru víst ansi margar ferðir í tröppunum við dæluhúsið í Glerárstíflu.

Það er nóg að gera hjá okkur í að taka á móti óvissuhópum í ýmisskonar dans eða aðra hreyfingu. Tæplega 60 manna hópur frá Hrafnagilsskóla kom á föstudagskvöldið og dansaði með Öbbu á útipallinum í frábæru veðri.

Sú sem sér um heimasíðuna var í burtu í viku og því lítið gerst á meðan. Árangursnámskeiðið Vo2max hefst í dag. Við vitum að helmingurinn er að taka þátt í Akureyrarhlaupinu eða þríþrautinni í dag.

Því miður verðum við að fella niður BodyJam tímann á laugardaginn. Abba skellti sér í frí og aðrir kennarar eru því miður uppteknir. Við ætlum að reyna að standa föst á þriðjudagstímanum en gætum þurft að fella hann líka niður svo að endilega fylgist vel með.

Það skrifuðu um 1100 manns í gestabókina í opnu vikunni. Eflaust komu fleiri og gleymdu að skrifa sig. En við drógum út 4 þriggja mánaða kort og Anita Jónsdóttir, Hildigunnur Svavarsdóttir, Kristín Björk Gunnarsdóttir og Gunnar Halldórsson fá þessi kort. Til hamingju, vitjið þeirra í afgreiðslu.