Fréttir

Sjáið þið jólatrén hérna hægra megin á síðunni? Þarna undir eru jólauppskriftir frá viðskiptavinum og Öbbu. Nú voru að bætast við ótrúlega góðar sætar kartöflur með kalkúninum og besta sósa í heimi.

Vorum að fá ný upphitunarhjól í tækjasalinn. Svo ætlum við að skipta um gólf á minni salnum milli jóla og nýárs. Parketið er skemmt og við setjum einskonar dúk í mottuformi í staðinn.

Tryggvi var með jólaþema í spinning á föstudagsmorgunn. Allir mættu rauðklæddir og með jólaskraut sem hékk á sveittum líkömum.

Steini P. kom með frábæra hugmynd áðan. Hvernig væri að hittast hér á Bjargi að morgni jóladags, kl 09:30 og skokka saman. Það er yfirleitt enginn á ferli og ef það hefur snjóað er allt slétt og fallegt.

Karlapúlið kláraðist á þriðjudaginn og þar var einn sem sló öll fyrri met. Hann náði 10% léttingu(15,2) er hann reif af sér 15 kíló og 46 sentimetrar fóru, þar af 23 af miðjunni. Hetjan heitir Heimir Sigurðsson.

Aðsóknin er léleg í Gravitytímana í hádeginu á þriðjudögum og fimmtudögum og ætlum við að fella þá niður í desember.

Jólauppskriftir Bjargs eru í stikunni hægra megin þar sem jólatrén eru. 7 blaðsíður af skemmtilegum uppskriftum.

Einn af okkar dyggustu viðskiptavinum varð fertug á mánudaginn og bauð vinum sínum í Súperþrekinu í aukatíma í puði hjá Óla og svo fóru allir að sjálfsögðu í heita pottinn á eftir þar sem Edda Bauð uppá léttar veitingar.

28 þriggja mánaðakort fóru í verðlaun til einstaklinga sem stóðu sig framúrskarandi vel á lífsstílsnámskeiðunum sem voru að klárast í gær. 18 náðu 10% léttingu á 12 vikum, svo voru verðlaun fyrir flest kíló farin og sentimetra í hverjum hóp og fyrir góða mætingu.

Það er lokadagurinn hjá þáttakendum á lífsstílsnámskeiðunum tveimur og Siðubitunum í dag. Allir ætla að muna eftir að mæta í einhverju rauðu eða með eitthvað rautt í tilefni dagsins.