Fréttir

Eins og allir hafa tekið eftir er mikil breyting að verða í kringum heita pottinn og snyritiaðstöðuna. Nú eru smiðirnir komnir út og eru að reisa girðinguna í kringum heitu pottana sem koma fljótlega.

Síðasti tíminn á unglinganámskeiðinu var í dag. 16 krakkar voru með 100% mætingu og við drógum út 3 úr hópnum sem fengu mánaðarkort.

Það er gaman að sjá hvað Akureyringar eru duglegir að æfa. Hér er fólk allan daginn og aldrei dauður tími. Auðvitað eru alltaf flestir milli 17 og 19 og þessi mynd var einmitt tekin kl 18 í gær.

Les Mills workshop verður hér á Bjargi 4. mars. Lesið nánar um það undir myndinni (rauðklæddar stúlkur) í hægri stikunni.

Nú er gamli spegillinn farinn og komnir 10 speglar, blásarar og upphækkanlegir stólar á hjólum. Aðstaðan er þar sem ljósalamparnir voru áður. Þetta er algjör bylting og nú fer betur um alla við speglana og greiðari leið að búningsherbergi kvenna og heita pottinum.

Loftur Leifsson grafískur hönnuður hjá Skaparanum í Reykjavík og frændi Óla kom loksins í heimsókn og tók 3 góða æfingadaga hér á Bjargi. Loftur á heiðurinn að lógóinu nýja sem var tekið í notkun í október 2004 þegar við stækkuðum.

Við höfum gert samstarfssamninga við tvær líkamsræktarstöðvar í Reykjavík. Önnur er Veggsport Stórhöfða 17, www.veggsport.is og hin er Árbæjarþrek við Árbæjarsundlaugina, www.threk.is.

Við ákváðum að verðlauna viðskiptavin númer 1900(virk kort, þ.e. tala þeirra sem eiga gild kort) og hann kom í dag um kl 17 og ætlaði að kaupa 6 mánaða kort og fékk það að sjálfsögðu frítt og Bjarg bol og brúsa líka. Sú heppna heitir Hólmfríður Ingvarsdóttir.

Við ætlum að bjóða starfsfólkinu uppá skyndihjálparnámskeið á laugardag. Munið eftir starfsmannafundinum á undan.

Það var stemming í tímanum hjá Ólöfu, sem kennir í Hress, núna á föstudaginn. Hún skellti Body Attack tíma á liðið og voru allir vel sveittir. Þökkum henni kærlega fyrir komuna.