Fréttir

Það urðu þónokkrar umræður að loknum fyrirlestri Þórhöllu um breyttan lífsstíl og hollt mataræði. Hún sagði okkur sannleikann og það er alltaf erfitt að horfast í augu við hann. Auðvitað vita allir hvað þarf að gera en að framkvæma og standa sig er erfiðara.

Næstu Gravitynámskeið byrja mánudaginn 13. febrúar. Það er pláss fyrir 10 manns á hverju námskeiði og bjóðum við uppá 3 fasta tíma í viku í Gravity en frjálsan aðgang að tækjasal og öðrum tímum.

1. febrúar er í dag og þá kostar ekkert í barnagæsluna frá og með deginum í dag. Notfærið ykkur þessa þjónustu og munið að það er miðað við hámark 90 mínútur á barn.

Það endaði með því að rúmlega 200 manns skráðu sig í áskorunina. Hægt var að skrá sig út janúar og 14 manns skráðu sig á síðasta degi.

Laugardaginn 4 febrúar verður fyrirlestur um rétt mataræði fyrir alla lífsstílshópana, unglingar og karlar líka. Þið sem eruð á Gravity námskeiði getið líka komið.

Það eru svo margir á biðlistum eftir fleiri Gravitytímum að við ætlum að setja á tíma kl 12 á sunnudag. Það er reyndar allt að springa hérna. Okkar stóru salir eru troðfullir í öllum tímum.

Það voru 3 einstaklingar frá okkur á Body Jam kennaranámskeiði um helgina. Sigyn Blöndal, sem er með Point dansskólann, Brynjar Örn Þorleifsson en hann dansaði með Selmu í Eurovision á sínum tíma og er að kenna hjá Sigyn í Point.

Ætlum að bæta við nýjum spinningtíma á fimmtudögum kl 16:15. Það er mikil aðsókn í tímann sem er kl 17:15 og margir sem komast ekki að. Tryggvi mun líklega sjá um þennan tíma eins og hina flesta.

Við ætlum að bjóða öllum frítt í Gravity í næstu viku. Kynning fyrir þau sem hafa aldrei prufað. Skráning hefst á sunnudaginn fyrir alla vikuna. Látið vita með góðum fyrirvara ef þið mætið ekki.

Við erum komin með 1800 virk kort núna enda margir að taka sig á í byrjun árs. Auðvitað ætla allir að vera rosa duglegir og halda þetta út. Látið okkur hjálpa ykkur og leitið eftir leiðsögn í tækjasal og mælingum ef þið viljið.