Fréttir

Það er fullt á unglinganámskeiðið sem byrjar á morgun. Spennandi námskeið fyrir fríska krakka sem vilja fjölbreytta hreyfingu. Athugið að innifalið er frjáls aðgangur að Bjargi.

Abba kenndi helminginn af nýjum Body Balance fyrir viku, og núna tekur hún allt prógrammið. Frábærar æfingar og teygjur ásamt góðri tónlist.

Inga Steinlaug verður með hluta af nýju Combati í dag, skemmtilegar og góðar æfingar. Hún mun stundum setja inn eitt og eitt lag úr Body Attacki í sínum tímum.

Sumartíminn byrjar 1. júní. Þá styttist opnunartíminn um eina klst á dag nema sunnudagarnir eru eins. Það er því opið frá 6-20 mánudaga til fimmtudags, til 18 á föstudögum, 9-14 á laugardögum og 10-13 á sunnudögum.

Í tilefni dagsins ætlar Eva að vera með brjálað Eurovision-þema í Body Jam tímanum á laugardag kl.13:00. Frábær upphitun fyrir kvöldið.

Við erum að fá ný sumarprógrömm í LesMills kerfunum og því von á nýju Body Pumpi, Balance, Jammi og Combati í næstu viku. Hvetjum alla sem ekki hafa prufað þessa tíma að gefa þeim séns.

6 manns fóru á Kerlingu í gær og fengu besta útsýni sem völ er á og frábært veður. Fætið var erfitt, háar hnélyftur í djúpum snjó stóran hluta sf leiðinni og gott að vera í bærilegu formi.

Eva kenndi Body Jammið úti í gær í sólinni. Gerum það áfram þegar veðrið er gott og Gerður ætlar að halda áfram með hádegis Body Jam tímann fram í júní á þriðjudögum kl 13:10.

Það verður barnagæsla í allt sumar en tíminn styttist aðeins. Gæslan er 3 morgna frá 08:15-10:30 og alla eftirmiðdaga nema föstudaga frá 16:30-18:30. Munið að gæslan kostar ekkert og er opin fyrir utan þennan tíma fyrir eldri krakka sem ganga vel um.

það verður opið á hvítasunnudag eins og á venjulegum sunnudegi og á annan í hvítasunnu frá kl 10-13. Allir tímar falla niður á mánudeginum.