Fréttir

Gaman, gaman.  Lífsstílsnámskeið verður í boði í haust.  Við verðum með einn hóp á eðaltíma, kl. 17:30 á mánudögum og fimmtudögum og þriðji tíminn er kl. 11:30 á laugardögum.  Þetta er aðhaldsnámskeið fyrir alla sem vilja komast í þokkalegt form, taka mataræðið í gegn og vera í skemmtilegum hóp.  Breyttur lífsstíll er að gera hreyfingu og hollt mataræði að lífsstíl ekki kúr. Hentar öllum og er kannski góður kostur fyrir þá sem leggja ekki í FIMM/TVEIR námskeiðið en þar eru aðeins meiri kröfur og æfingarnar lágmark 5x í viku. Abba mun halda utanum hópinn og Hómríður og Óli kenna tímana á móti henni.  Þar verur farið í alla þætti líkamsræktar og tímarnir verða fjölbreyttir.  Bjóðum uppá 8 eða 15 vikna námskeið sem byrjar 28. ágúst.  Allir sem klára 15 vikur (11. des.) æfa frítt út árið.

Vinsæla námskeiðið hennar Öbbu, Nýtt útlit verður á dagskrá næsta haust.  Núna er bara pláss fyrir 24 og því um að gera að skrá sig sem fyrst.  Á námskeiðinu er þrír lokaðir tímar í viku, tveir heitir þrektímar og einn Gravity/bolta tími.  Heitu tímarnir eru í sal sem er 37-40 gráðu heitur og það er tekið þokkalega á því í einstaklega skemmtilegum og öðruvísi æfingum fyrir kvið, bak, axlir, rass og læri.  Liðleikinn og jafnvægið fá líka sinn skerf.  Abba notar rúllurnar bæði til að nudda og gera æfingar, létt lóð, litla mjúka bolta og gúmmíteygjur.  Tímarnir verða kl. 16:15 og 16:30.  Námskeiðið byrjar 4. september.

Dekurnámskeiðið okkar fyrir 50 ára og eldri var mjög vinsælt sl. vetur.  Abba var með tvo volga þrektíma í viku fyrir skvísurnar.  Núna ætlum við að halda því en bæta við einum Gravity þrektíma fyrir hópinn.  Gravity er einföld leikfimi í sérútbúnum bekkjum, einstaklega örugg styrktarþjálfun sem er hægt að hafa létta og líka erfiða ef vill.  Núna verða tveir hópar í boði og frjálst að flakka á milli fyrir vaktavinnufólk.  Kl. 8:15 og hinn hópurinn er kl. 16:15. Hámarksfjöldi í hvorum hóp er 24 og því er gott að tryggja plássið fljótlega. 

Óli er með spinning í fyrramálið kl. 6:10.  Einn vinsælasti tíminn í stöðinni undanfarin ár.  Það er ótrúlega einfalt og þægilegt að setjast á hjólið á morgnana, loka augunum, hjóla, svitna og hlusta á góða tónlist.  Þetta eru tímar sem henta öllum, svo ekki hika við að prufa.

Við erum byrjuð að skrá á næsta FIMM/TVEIR námskeið sem byrjar 13. ágúst.  10 eða 20 vikur eru í boði.  Þetta er fyrir þau sem eru of þung, byrjendur sem lengra komna.  Lögð er áhersla á að æfa lágmark 5x í viku og leitast við að fara eftir bókinni um 5/2 mataræðið.  Þeir sem borga núna geta byrjað strax að æfa og græða þannig nokkrar vikur.  Getum tekið fyrstu mælingu strax.  Nánar.l

Abba verður með tvo heita tíma í dag.  Heitt þrek með bolta og lóð og Hot yoga.  Allir velkomnir að prufa öðruvísi og skemmtilega tíma. Þetta er jafnframt síðasti heiti tíminn kl. 16:30 á þriðjudögum í bili.  Það verða tveir heitir opnir þrektímar næsta vetur og Hot yoga tímarnir verða 6 daga vikunnar.

Mánudaginn 14. júlí fellur Zumba tíminn niður. Næsti tími verður því mánudaginn 21. júlí, kl. 16:30.

Abba og Óli eru að fara í gönguferð og því fellur útitíminn hans Óla niður á fimmtudaginn.  Aðrir tímar halda sér og Tryggvi kennir t.d. spinning á föstudaginn kl. 6:10, gaman, gaman. Tota tekur Ólatímann og flesta hina tímana.

Viljum vekja athygli á tveimur spennandi tímum í töflunni.  Annar er heitur þrektími kl 16:30 á þriðjudögum og annan hvern miðvikudag kl. 8:15 og næsti er í fyrramálið.  Tímar sem koma á óvart, prufaðu og þú ánetjast. Hinn tíminn er Gravity í bekkjunum góðu á fimmtudögum kl 16:30.  Pláss fyrir 12 svo það er gott að koma ekki of seint ef allir bekkirnir klárast.

Óli og Anna eru fjarverandi og því sjá Arna Benný og Jonni um spinningtímana mánudaginn 7. júlí.  Þau hafa tekið nokkra tíma sl. vetur og munu örugglega láta alla taka vel á því.