Fréttir

Bílastæði

Við fáum reglulega kvartanir frá íbúum í Akursíðu sem er sunnan við Bjarg.  Þegar álagið er mest leggja viðskiptavinir okkar bílunum inná lóðum þessa fólks og alveg upp við eldhúsgluggana.  Þetta er mjög þreytandi og oft erfitt fyrir fólkið að komast heim.  Núna er veðrið gott og tilvalið að koma á hjólinu eða gangandi.  Einnig er hægt að leggja á bílastæðin við kirkjuna.  Virðum einkalíf nágrannanna.

Nýr Balance í kvöld!

Hólmfríður og Aðalbjörg munu frumflytja Body Balance 58 í kvöld kl 18:30.  Flæði frá einföldu Tai Chi, skemmtilegum sólarhyllingum og standandi styrk yfir í krefjandi kviðæfingar og svo yndislegar jógastöður og slökun í restina.  Hver tími er einstök upplifun og færir  okkur jafnvægi og kyrrð. 

Spinning 16:30 í dag

Það eru margir búnir að bíða eftir spinningtímanum kl 16:30 á þriðjudögum og hann kemur inn í dag.  Óli og Elvar munu kenna þessa tíma til skiptis.

Fjögur námskeið byrjuðu í dag.

Það er að fjölga all verulega þessa dagana.  Fjögur námskeið byrjuðu í dag, Body Fit kl 6:10, Hot Yoga kl 8:15, mömmuþrek kl 10:30 og Gravity fyrir 60 ára og eldri.  Góð þátttaka er á öllum námskeiðunum og fólk kemur inn í hitann til okkar og er heiti salurinn vinsæll þessa dagana.  Það er nóg að gera hjá einkaþjálfurunum og slatti af íþróttahópum sem æfa hjá okkur.

Matreiðslukennsla

Abba verður með matreiðslukennslu laugardaginn 22. sept. kl 13:00.  Kennslan er hugsuð fyrir alla sem eru á námskeiðum:  Lífsstíl, Gravity, Nýtt útlit, Body Fit, Hot Yoga og mömmuþrek.  Það er pláss fyrir um 40 manns og þetta verður í kjallaranum þar sem Gravitysalurinn er.  Skráningarblað er komið á töfluna á Bjargi, 500kr og fullt af smakki.

Gravity og Nýtt útlit

Skráning er hafin á næstu Gravitynámskeið sem byrja miðvikudaginn 26. september. 

Hot Yoga í hádeginu

Það verður Hot Yoga í hádeginu á morgun.  Bryndís yogakennari kennir föstudagshádegistímann einu sinni í mánuði og þá verður Hot Yoga tími.  Skemmtileg tibreyting fyrir hádegishópinn og aukatími fyrir Hot Yoga aðdáendur. 

CXWORX í Ólatíma

Stelpurnar ætla að riðjast inní Ólatíma á laugardaginn og frumflytja nýtt CXWORX.  Óli byrjar og verður með 30-40 mínútna þoltíma.  Hóffa, Anna, Birgitta og Þóra taka svo við síðasta hálftímann og djöfla mannskapnum út í plönkum og öðru skemmtilegu.

Nýtt Body Pump, Body Step og CXWORX

Við erum að frumflytja nýju Les Mills kerfin núna.  Hóffa kom með nýtt step í dag, vel erfitt og þrekhringur í boði, spennandi.  Pumpið er flott að vanda og svo mun líklega verða opinber frumflutningur á Ótrúlega flottum kjarnaæfingum í Ólatímanum á laugardaginn.  Anna er búin að frumflytja nýtt Combat og Abba Vive.

Elvar, spinning og morgunþrek

Elvar Sævars ætlar að koma inn í næstu viku og þá setjum við spinningtímann kl 16:30 á þriðjudögum af stað.  Óli mun kenna tímann á móti honum.  Elvar kemur svo inní morgunþrekið á föstudögum eins og sl. vetur og kennir þá á móti Tryggva.  Góðir og metnaðarfullir kennarar, það er okkar auður.