Fréttir

Viðgerð

Hot Yoga tíminn á morgun kl 17:30 fellur niður vegna viðgerðar á gólfi salarins.  Það er verið að taka það í gegn og verður vonandi klárt á þriðjudag í næstu viku.  Breytingar á barnasal í spinningsal eru langt komnar.

Útitímar

Það er líklega engin stöð á Íslandi með eins flotta útiaðstöðu og Bjarg.  Núna erum við með suma tíma úti á pallinum góða.  Möguleiki á stuttum hlaupahringjum á stígum í kring til að krydda þrektímana og tónlist til að halda okkur við efnið.  Óvissuhóparnir fá líka að vera á pallinum og jamma og dansa.  Vonum að sumarið verði svona gott áfram.

Heitur þrektími

Heiti þrektíminn er kominn yfir á þriðjudaga kl 16:30.  Abba kennir og notar boltana, teygjur, lóð og rúllur.

Óvissuhópar

Abba tók við tveimur óvissuhópum um síðustu helgi.  Við búum til pakka eftir ykkar þörfum.  Annar hópurinn kom við og tók vel á kjarnanum, kviðæfingar í 5 mínútur og diskódans í 5 mínútur á útipallinum.  Hinn hópurinn tók allan pakkann, fíflagang með Öbbu, dans og skrítnar æfingar, pottur á eftir.

Breyttur opnunartími frá 3. júní.

Frá og með mánudeginum styttist opnunartíminn.  Opið verður frá 6-20 á mánudögum og miðvikudögum.  Frá 6-14 og 16 -20 á þriðjudögum og fimmtudögum.  Frá 6-14 á föstudögum og 9-14 á laugardögum.  Lokað á sunnudögum.  Barnagæslan er mjög lítið notuð og verður því í eina viku í viðbót, hættir eftir fyrstu vikuna í júní.  Laugardagsgæslan verður á meðan Ólatíminn er inni, allavega út júní.

Frumflutningur á Body Balance

Hóffa og Abba munu frumflytja Body Balance númer 61 kl 17:30 í dag.  Falleg tónlist, flæði í Tai Chi og jógastöðum og krefjandi kvið og bakæfingar úr Pilates.  Slökun í lok tímans.  Við kennum sama prógrammið í ca 3 mánuði, þannig að færnin verður smátt og smátt meiri, tæknin betri og árangurinn alvöru.

Skólakort

Eins og undanfarin ár erum við með tilboð til nemenda og starfsfólks allra framhaldsskóla á Akureyri.  Verulegur afsláttur af árskorti ef keypt er fyrir miðjan júní.

Allt að gerast

Ef þið hafið ekki séð auglýsinguna í N4 dagskránni í dag þá er hún hér á síðunni til hægri " Haustið 2013".Þar er hægt að lesa um breytingarnar sem eru á döfinni.  Ótrúlega spennandi og í kringum miðjan júní munu þjálfararnir sem hafa þegar leigt sali hjá okkur kynna sína tíma og námskeið og byrja að skrá, fyrstir koma fyrstir fá.  Við byrjum að selja ódýru kortin 3. júní, þriggja mánaða forskot og hægt að mæta í allt í sumar. Ef eitthvað er óljóst þá endilega stoppið Öbbu og Óla og spyrjið eða sendið okkur spurningar í pósti.

Breyting á tímatöflu

Gravitytíminn á mánudögum færist upp um klukkutíma og verður framvegis kl. 16:30.  Heiti bolta/þrektíminn sem er að byrja núna á fimmtudaginn færist í næstu viku yfir á þriðjudaga.  Nýji fomrúllu og teygjutíminn byrjar svo næsta mánudag kl 17:30. Þannig að það eru tímar kl 16:30 4x í viku og 8 tímar kl 17:15 eða 17:30.

Bætt þjónusta!

Það verður frí kennsla í tækjasal í sumar og svo áfram.  Núna eru leiðbeinendur í salnum á mánudögum kl. 16-18.  Kl 8-10 á þriðjudögum, kl 6-8 og 10-14 á fimmtudögum.  Abba og Óli sjá um að kenna á prógrömmin sem þar eru og svara spurningum og aðstoða fólk fyrstu skrefin í ræktinni eða hjálpa til við að finna hvað hentar og virkar fyrir hvern og einn.