Fréttir

Það var gaman í gær og allt gekk vel á workshopi Les Mills kennara. Stemmingin í tímunum var frábær, nýju prógrömmin spennandi og góð tónlist eins og vanalega. Kennararnir sem kenndu tímana 7 mega vera stoltir af sinni frammistöðu.

Guðfinna Tryggvadóttir íþróttakennari er að koma á workshop um helgina, en ætlar að kenna tvo tíma í leiðinni. Hún kenndi hér á Bjargi í 5 ár og enn er fullt af fólki hér sem var í tímum hjá henni.

Síðustu 8 vikna lífsstílsnámskeiðin fyrir sumarið hefjast 13. mars. Bjóðum uppá morgun og kvöldhópa, kl. 09:30 þrisvar í viku, frí barnagæsla, og kl 19:30 tvisvar í viku og á laugardögum kl 11:30.

Strákar! Við ætlum að opna karlatímana fyrir alla frá og með 14. mars. Þessir tímar eru á þriðjudögum og fimmtudögum kl. 19:30 og eru frábær leið til þess að komast í form.

Leiðbeinandi verður í tækjasal á eftirtöldum tímum: Mánudaga kl 09-11 og 17:30-19:30. Þriðjudaga kl 09-11 og 16-19, miðvikudaga kl 6-8, 12-16 og 19:30-20:30, fimmtudaga 8-11 og 17-19.

Eins og allir hafa tekið eftir er mikil breyting að verða í kringum heita pottinn og snyritiaðstöðuna. Nú eru smiðirnir komnir út og eru að reisa girðinguna í kringum heitu pottana sem koma fljótlega.

Síðasti tíminn á unglinganámskeiðinu var í dag. 16 krakkar voru með 100% mætingu og við drógum út 3 úr hópnum sem fengu mánaðarkort.

Það er gaman að sjá hvað Akureyringar eru duglegir að æfa. Hér er fólk allan daginn og aldrei dauður tími. Auðvitað eru alltaf flestir milli 17 og 19 og þessi mynd var einmitt tekin kl 18 í gær.

Les Mills workshop verður hér á Bjargi 4. mars. Lesið nánar um það undir myndinni (rauðklæddar stúlkur) í hægri stikunni.

Nú er gamli spegillinn farinn og komnir 10 speglar, blásarar og upphækkanlegir stólar á hjólum. Aðstaðan er þar sem ljósalamparnir voru áður. Þetta er algjör bylting og nú fer betur um alla við speglana og greiðari leið að búningsherbergi kvenna og heita pottinum.