Fréttir

Það verður lokað hér mánudaginn 1. maí, allir í kröfugöngu eða einhverri annarri göngu. Miðvikudaginn 3. maí verður svo fyrirlestur um rétt mataræði fyrir öll námskeiðin sem eru í gangi núna, lífsstíl, síðubita og Gravity. Hann verður kl 20:30, strax á eftir útitímanum hjá lífsstílshópnum.

Við þyrftum að vera með helmingi fleiri bekki til að geta sinnt öllum þeim sem vilja komast að á Gravitynámskeið. Þegar lífsstílsnámskeiðin eru búin ætlum við að setja á Gravitynámskeið á mánudögum og miðvikudögum. Já líklega bara tvö skipti í viku.

Æðsti draumur Stínu rættist í gær er hún fékk að fara uppá pallinn og kenna með micrófón. Hún var náttúrulega langflottust og kenndi Síðubitunum ýmis trix á hjólinu til að komast hjá því að taka of mikið á. Aldrei hefur sést eins sexy kennsla á hjóli.

Þá er komið að matreiðslunámskeiðinu hjá öllum sem eru á Lífsstílsnámskeiðum eða Gravitynámskeiðum. Þau sem voru á síðasta námskeiði meiga líka taka þátt. Námskeiðin verða á sunnudaginn kl 14 og þriðjudag kl 19:30. Ef það verður ekki næg þáttaka á sunnudag verður þriðjudagurinn bara inni.

Aðsóknin var frábær um páskana og fullt af ferðafólki mætti og tók sinn prufutíma. Metið var líklega á Skírdag, þá komu um 300 manns og voru biðraðir í öll upphitunartækin á tímabili.

Við mælum eindregið með 4 vikna Gravitynámskeiði ef þú vilt sjá skjótan árangur. Finna fyrir stinnum vöðvum og sjá breytingu á skrokknum. Það er fullt á námskeiðin kl 06:15, 09:30 og 17:15, en 1 sæti laust kl 08:30.

Helgi stórskáld mætti í gær, dvaldi lengi, samdi vísur og seldi kjöt. Hér kemur vísan sem var samin: Hérner gott að hafa kraftinn. Halda út í tíma fjóra. Ávallt lokaðann hafa kjaftinn, nema vatnið þarf að þjóra.

Íslandsmeistaramótið í línudansi er 13. maí. Abba er búin að semja dans og fyrsta æfing er á föstudaginn langa kl 16:00 hér á Bjargi.

Nú eru páskarnir á leiðinni og bærinn að fyllast af fólki. Munið að við tökum vel á móti öllum sem vilja prufa að æfa hér og allir fá einn frían prufutíma.

Næsta Gravitynámskeið byrjar mánudaginn 10. apríl kl 06:15. Það er fullt á það nú þegar. Hin þrjú byrja svo eftir páska, 24. apríl. Þau eru kl 08:30, 09:30 og 17:15. Skráning er í gangi.