Fréttir

Óli ætlar að vera með jólaspinning á annan í jólum kl. 10:30. Allir velkomnir meðan hjólin endast.

Tryggvi verður með 4 vikna ketilbjöllunámskeið á nýju ári.  Frábært tækifæri fyrir alla sem vilja læra réttu tæknina og auka styrk sinn svo um munar.  Kennslan verður á þriðjudögum og fimmtudögum kl. 19:45.  Skráðu þig strax og æfðu frítt fram að námskeiði sem byrjar 15. janúar.  Takmarkaður fjöldi.

Bendum fólki á að það er oðið í Gravity/boltatímana kl 18:30 á þriðjudögum og fimmtudögum þessa viku. Þetta eru lokatímar í námskeiði og nóg pláss fyrir fleiri. Tímataflan hefur minnkað verulega núna í desember en stækkar aftur 5. janúar.

Óli mætir kl. 6 í fyrramálið og það verður spinning kl. 8:15. Heiti tíminn kl. 8:15 fellur niður.

Já, það er allt á kafi í snjó og við ætlum að hafa vit fyrir ykkur.  Það er best að vera heima í dag og taka nokkrar armbeygjur, kviðæfingar og hnébeygjur,  Þið sem búið á tveimur hæðum hlaupið nokkrar ferðir í stiganum.  Það verður semsagt lokað á Bjargi í dag, sunnudaginn 14.des.

Það var fullt af fólki í Ólatíma hjá Tryggva í morgun kl 9.  Við reiknum líka með góðum hóp í Hot yoga á morgun kl 11.  Þessir tímar munum halda sér allar helgar fram að jólum og milli jóla og nýárs.  Annars erum við búin að ákveða dagskrána og opnunina fram yfir áramót.

Við opnuðum kl. 6 í morgun og það komu 4 valkyrjur í Hot yoga og þrír í salinn. Við verðum með opið til 23 eins og vanalega og allir tímar inni.

Núna geta þrekkortshafar farið í alla tíma sem eru í tímatöflunni fram að áramótum.  Þá erum við að meina lokuðu námskeiðin líka.  það er alltaf léleg mæting síðustu vikurnar og því bara skemmtilegra fyrir þau sem halda út að fá nokkra gesti í tímana.  Lífsstíllinn klárast á fimmtudaginn.  Hin námskeiðin verða lengur og þau síðustu klárast 17. og 18. des.

Því miður eru báðir Zumbakennararnir uppteknir í dag.  Við verðum því að fella tímann niður kl. 16:30.  Bjóðum danshópnum að koma í volgan dekurtíma í heita salnum kl. 16:15 eða Body Balance kl. 17:15.

Nokkrir tímar falla niður í desember vegna ónógrar aðsóknar.  Hot yoga á mánudögum, miðvikudögum og föstudögum verða í þessari vilu en falla svo niður fram á næsta ár.  Einnig Hot Fit kl. 8:15 og Gravity á föstudögum kl. 16:30.  Sjáum til með aðra tíma.  Opnunartíminn á sunnudögum styttist til kl. 14.  Þegar nær dregur jólum munum við stytta opnunina einhver kvöld um 2 klst. og loka kl. 21.  Enn sem komið er er bærileg aðsókn á kvöldin til kl. 23.