Hafa samband
headerheaderheaderheader

Dekur og djamm

                                  Við höfum einstaka aðstöðu til að taka á móti hópum í dekur. Stærðin á hópunum getur verið frá tveimur og upp í 40-50

Dekur stuð og óvissuhópar

                                 

Við höfum einstaka aðstöðu til að taka á móti hópum í dekur. Stærðin á hópunum getur verið frá tveimur og upp í 40-50 manns og þess vegna fleiri. 
Búningsaðstaðan er falleg og rúmgóð. Snyrtiaðstaða er fyrir góðan hóp með 5-6 hárblásurum, sléttujárni og góðum speglum. Þar væri hægt að vera með förðunarfræðing ef vill. 
  

Pottarnir eru 3.  Innipotturinn rúmar 6-8 manns og er í glæsilegu umhverfi þar sem við kveikjum á ótal kertum og spilum rólega tónlist. Útisvæðið státar af tveimur 10-12 manna heitum pottum og stóru eimgufubaði.
Á sumrin er pláss fyrir stóran hóp í sólbað og þá væri hægt að vera með dans, yoga, Body Balance eða eitthvað annað á útipalli, sem við notum á sumrin. 
Hægt er að taka hvað sem er í hreyfingu á undan dekrinu, tækjakennslu, Gravity, danskennslu, spinning, Hot Yoga ...  Möguleikarnir eru endalausir.
 

Hægt er að fá nudd á axlir í heita pottinum, heilnudd á bekk ef fólk óskar eftir. Komið með hugmyndir, við búum til pakkann. 
Aðstaðan kemur á óvart, hún er glæsilegri en þú heldur.

  Verð:  kennsla fyrir hópinn í 30 mínútur 10000kr, 60 mínútur 15000kr

Heiti potturinn kostar 2000kr fyrir manninn en þó aldrei minna en 15.000kr. Miðað er við að hópurinn komi eftir lokun. Nudd á axlir kostar 1000kr á mann, lágmark 6 manns.  Ef hóparnir koma á opnunartíma kostar 500 kr á mann í pottana, gufubaðið og sturturnar.

 

 



Svæði

moya - Útgáfa 1.14 2010 - Stefna ehf