Gráu tímarnir eru opnir tímar.  
Litaðir tímar eru lokuð námskeið.
Athugið að taflan getur breyst fyrirvaralaust.

Taflan gildir frá 30. ágúst 2010
Rauðir tímar eru lokuð námskeið.

MORGUNSTJÖRNUR  -  MORGUNÞREK  -  ÞREKTÍMI
Góðir tímar með hæfilegri blöndu af brennslu og styrktaræfingum. Oftast góðir þrekhringir, fer allt eftir kenjum kennarans hvað gert er í tímanum.  Notum hjól, dýnur, lóð, stangir, bolta og palla. 

HÁDEGISÞREK
Góð keyrsla í 50 mínútur.  Oftast hitað upp á hjólum og fjölbreytt þrek á eftir.

KONUTÍMAR
Einn vinsælasti tíminn í stöðinni.  Tímarnir eru fjölbreyttir, góð blanda af styrkjandi, liðkandi og vaxtamótandi æfingum. Fyrst og fremst er góð stemming í þessum tímum og þeir eru fyrir konur á öllum aldri.

SÚPERKEYRSLA  OG  ÓLATÍMI
Tímar fyrir fólk í góðu formi.  Súperkeyrslan er þrektími þar sem allt er leyfilegt, erfitt, erfitt, eitthvað sem þið verðið að prófa, hjólin notuð meira, hlaup og tröppur og allskonar djöfulgangur.

SPINNING
Hjólað á sérútbúnum þrekhjólum.  Góð tónlist, mikill sviti og bruni.  Frábær þolþjálfun, jafnt fyrir fólk í toppformi sem nýliða.  Hver stjórnar álaginu fyrir sig.

BOXERCISE
Box 

GRAVITY
Byltingarkennd nýjung í líkamsrækt þar sem unnið er í bekkjum með 120 mismunandi æfingum.  40-60 mínútna styrktartímar, 12 bekkir, einn kennari sem stjórnar og góð tónlist.  Einfalt, öflugt, fljótlegt og árangursríkt. Hentar öllum þar sem þú ert að vinna með eigin þyngd og stillir álagið sjáf(ur).  Árangursríkt þýðir að þú nærð árangri á styttri tíma, færri en öflugri æfingar(30 mín sama og 1-2 tímar í tækjasal).   það þarf að panta tíma með fyrirvara, byrjum að skrá á laugardögum fyrir hverja viku.
Gravity 60+ er hópur fyrir þá sem eru orðnir 60 ára og eldri. Farið aðeins hægar en þessir tímar hafa verið mjög vinsælir.
Gravity 30kg + er fyrir fólk í yfirvigt.  Gravity er einstaklega góð leikfimi fyrir þungt fólk.
Gravity vefjagigt, er hópur fyrir fólk með vefjagigt eða önnur stoðkerfisvandamál. 

BJARGBOLTINN
Nýir boltatímar úr smiðju okkar kennara sem hafa áralanga reynslu í notkun boltanna.  Frábær blanda af æfingum með lítinn og stóran bolta, dýnu og lóð.  Góður hluti æfinganna kemur úr Pilates og eru styrkjandi, taka á jafnvæginu, samhæfingu, flæði og liðleika.  Á námskeiðunum er stigvaxandi álag út vikurnar 4.  Opnu tímarnir eru miðaðir við erfiðari stigin.

CROSSFIT
Nýjasta æðið á Íslandi og út um allan heim.  Bjóðum uppá Grunnnámskeið til að byrja með og síðan framhaldstíma.  Á grunnnámskeiði er æfingarnar kenndar sem koma að mestu úr ólikum íþróttagreinum eins og olympískum lyftingum, frjálsum, fimleikum, róðri.....Það er verið að æfa þolið og styrkinn samhliða og farið eins langt og mögulegt er.   

 fljótasta leið í heimi til að komast í form.

Einfaldlega vinsælasti hóptími í heiminum fyrr og síðar. Body Pump er sannarlega byltingarkenndur hóptími þar sem stangir og lóð eru notaðar til þess að styrkja og tóna hvern einasta vöðva líkamans.  Í þessum tíma nýtir þú alla kosti þess að þjálfa líkamann með lóðum í skemmtilegu andrúmslofti fullu af orku og hvatningu.  Body Pump er bæði fyrir konur og karla og í þennan tíma geta allir farið, jafn byrjendur sem lengra komnir.  Engin hopp eða högg á líkamann, aðeins hörku átök þar sem þú notar léttar stangir og lóð.  Unnið er með alla stóru vöðvahópana.

  í átt að jafnvægi.

 Body Balance tengir líkama og sál og mun breyta þeirri tilfinningu sem þú hefur á líkama þínum til frambúðar.  Þægilegur tími þar sem þjálfað er eftir tónlist sem skilar þátttakendum afslöppuðum og endurnærðum.  Body Balance blandar saman því besta úr austurlenskri þjálfun eins og yoga og tai chi með nýjum æfingum eins og pilates og feldenkrais.  Virk öndun, einbeiting og vandlega útfærðar teygjur, hreyfingar og stöður sem auka samræmi og jafnvægi líkama og sálar.  Tímarnir eru styrkjandi og tóna vöðva líkamans auk þess að losa um stífa og auma vöðva.  Það réttist úr þér, þú verður sterkari og liðugri og meðvitaðri bæði andlega og líkamlega.  Body balance hentar öllum og þá sérstaklega þeim sem eru stífir og vilja losa um stress og streytu og vinna þannig gegn slæmum fylgifiskum nútíma lifnaðarhátta.  Þú slærð tvær flugur í einu höggi- þjálfar líkama og sál. 

stígðu á pall!
Body Step hefur farið sigurför um heiminn og má með sanni segja að það hafi endurlífgað pallatímana.  Frábær skemmtun sem gerir rass og læri stinn á methraða.  Með því að nota einfalda rútínu með hreyfingum sem auðvelt er að fylgja eftir og örvandi tónlist, gerir Body Step þér kleift að æfa af þinni ákefð án þess  að þú þurfir að hugsa of mikið.  Einfaldar en samt krefjandi forskrifaðar æfingar eru ávísun á hnitmiðaðann, orkumikinn brennslutíma.  Hentar báðum kynjum, öllum aldri og styrkleikum.  Þú stjórnar algjörlega hversu hart þú leggur að þér með því að hafa pallinn í þeirri hæð sem hentar þér hverju sinni og gerir þar með æfinguna léttari eða erfiðari. Í Body Step ertu að brenna fullt af kaloríum, styrkja vöðva( sérstaklega rass og læri) og auka þol.  Stígðu inn í framtíðina.

 vinsælustu danstímar í heimi
Örvandi samansafn af hreyfingu og tónlist.  Body Jam eru orðnir vinsælustu danstímar í heiminum í dag.  ´Í tímanum eru nýjustu danssporin hverju sinni við nýjustu tónlistina.  Engir tímar eru jafn skemmtilegir og Body Jam, enda er lagt upp með að þátttakendur skemmti sér frá upphafi til enda, svitinn rennur og kaloríurnar fjúka.

Bætir liðleika, styrk og líkamsstöðu
Frábærir, nýjir 55 míútna tímar rá Les Mills þar sem unnið er með litla mjúka bolta og gúmmíteygjur. Tímarnir eru samdir með byrjendur og þá sem eldri eru í huga.  Í tímunum er blandað saman þolæfingum, styrktaræfingum og teygjum.  Einstaklega skemmtileg tónlist og þetta eru tímar sem koma á óvart, þú verður að prufa.

Skemmtileg blanda bardagalista

Body Combat hefur sannarlega slegið í gegn.  60 mínútna tími fullur af æfingum sem koma úr þjálfun í sjálfsvörn, eins og  karate, Tai Chi, kickboxing og Tae Kwondo.  faglega settur saman við dynjandi tónlist, mikið þol og alhliða uppbygging.  Tími við allra hæfi, einfalt og öflugt.

LES MILLS MIX
Á föstudögum blöndum við stundum tveimur Les Mills kerfum saman í einum tíma t.d. nokkur lög úr hverju kerfi, Inga kennir t.d. BodyAttack og BodyCombat, Anna kennir BodyCombat og BodyPump, Jóna kennir BodyStep og BodyPump, Abba kennir BodyVive og BodyJam, Hóffa kennir BodyVive og BodyStep

Nýr Lífsstíll  eru lokuð námskeið, sjá nánar undir liðnum lífsstíll.

HLAUPAHÓPUR UFA
Fyrir alla hlaupara, UFA er Ungmennafélag Akureyrar og þessi hópur er angi af langhlauparadeild félagsins.  Þau hlaupa allan árasins hring en það fjölgar alltaf í hópnum á sumrin og byrjendur eru velkomnir, þarna eru hlauparar af öllum stærðum og gerðum.